ب هەلکەفتا دەستبکاربوونا سەرۆکێ نوی یێ ئەمریکا، سەرۆکێ هەرێما کوردستانێ پەیامەکا پیرۆزباهیێ بەلاڤ کر و راگەهاند: چاڤێ مە ل کارکرنا هەڤپشکە.
سەرۆک نێچیرڤان بارزانی، سەرۆکێ هەرێما کوردستانێ، د تۆرا جڤاکی یا ئێکسی دا، پەیامەک بەلاڤ کر و راگەهاند: ب هەلکەفتا دەستبکاربوونا دۆنالد ترەمپی وەک سەرۆکێ 47ێ یێ ئەمریکا، ب ناڤێ هەرێما کوردستانا ئیراقێ پیرۆزباهییێ لێ دکەم و هەڤپشکییا خۆ ل گەل ئەمریکا بلند دنرخینین.
سەرۆکی هەروەسا دیار ژی کر: بۆ پێشڤەبرنا ئاشتی، سەقامگیری و بهایێن هەڤپشک چاڤێ مە ل کارێن هەڤپشکە.
ل رێکەفتی 20 / 1 / 2025 دۆنالد ترەمپی وەک سەرۆکێ 47ێ یێ ئەمریکا سویندا یاسایی خوار و دەستبکاربوو.
ترەمپی شیابوو د هەلبژارتنێن چریا دویێ دا سەرکەفتنێ ب سەر هەڤرکا خۆ کامالا هاریسێ بینیت و ب ڤێ چەندێ ژی بۆ خولا دویێ یا سەرۆکایەتییێ ژی ببیتە سەرۆکێ ئەمریکا