شاندێن پارتی دیمۆکراتی کوردستان و ئێکەتییا نشتیمانی یا کوردستانێ ئەڤرۆ ل هەولێرێ بەردەوامییێ ددەنە کۆمبوونا دوهی و کۆمبوون بۆ دیارکرنا بەرنامەیێ کابینەیا دەهێ یا حکومەتێ یە.
ئەڤرۆ شاندەکا تەکنیکی یا پارتی کو پێکدهێت ژ د. پشتیوان سادق، دلشاد شەهاب و ئومێد سەباح ل بارەگەهێ مەکتەبا سیاسی یا ئێکەتییێ ل گەل شاندەکا ئێکەتییێ کو پێک دهێت ژ د. رێواس فایق، ئامانج رەحیم و شالاو شێخ سەلاح بەردەوامییێ ددەتە کۆمبوونا دوهی.
ئارمانج ژ کۆمبوونێ رێککەفتنە ل سەر بەرنامەیێ کابینەیا دەهێ یا حکومەتا هەرێما کوردستانێ و هەر دەما شاندێن تەکنیکی گەهشتنە رێککەفتنێ، دێ ناڤەرۆکا وێ بۆ مەکتەبێن سیاسی و سەرکرداتییێن هەردو حزبان هێتە هنارتن و دێ کۆمبوونێن ل سەر ئاستێ بلند هێنە کرن.