ئەڤرۆ ئێڤاری ل پیرمام سەرۆک مەسعوود بارزانی پێشوازی ل مەزلووم عەبدی فەرماندارێ گشتیێ هێزێن سووریا دیمۆکرات هەسەدێ کر.
بارەگەهێ بارزانی بەلاڤکر: د کۆمبوونێ دا رەوشا سووریێ، دویماهی پێشهاتێن ئەمنی و سیاسی یێن سووریێ هەروەسا چارچووڤەیێ گشتی یێ مامەلەکرنا ئالیێن کوردی ل گەل رەوشا نووی یا سووریێ و چاوانییا گرتنەبەرا هەلوەستەکێ هەڤپشک یێ ئالیێن کوردی یێن سووریێ باس کرن.
بارەگەهێ بارزانی دیار ژی کر: هەر د دیدارێ دا دوپاتی ل وێ یەکێ هاتە کرن کو پێدڤییە ئالیێن سیاسی یێن کوردی بێی دەستێوەردانا چ ئالیەکی ب ئاشتی چارەنڤیسێ خۆ دیار بکەن و کورد ب ئێکرێزی و ئێکهەلویستی ل گەل حکومەتا نوی یا سووریێ بگەهنە رێککەفتنێ و فاکتەرێ ئاشتیێ بن، هەڤدەم دڤێت ئالییێن سیاسی یێن کورد رێگریێ ل دوبارەبوونا وان نەهامەتییان بکەن یێن ب سەرێ کوردان هاتی