خانەنشینکرنا ژ دایکبوویێن سێ سالان پێکڤە، دبیتە ئەگەرێ سه‌رهەلدانا قەیرانەکا نوی بۆ هەرێمێ.
بڕیارا کێمکرنا ژیێ خانه‌نشینیێ ئاریشه بۆ میلاكێ چه‌ندین وه‌زاره‌تان په‌یداكریه، ل پارێزگه‌ها دهۆكێ ب هزاره‌هان فەرمانبەر به‌ر ب ڤێ بڕیارێ دكه‌ڤن کو رێڤه‌به‌رێن گشتی ژی تێدانە.
په‌روه‌رده ژ وان وه‌زاره‌تانه كو زێده‌ترین كێشه بۆ دروست دبیت، ژبه‌ر كو بڕیارا حكومه‌تێ یا ژ نەهنگاڤ بوو و قوتابی د وه‌رزێ دووێ یێ خواندنێ دانه و ب فه‌رمی په‌روه‌ردێ دەنگێ نەرازیبوونێ بلند کریە و داخواز كریه خانه‌نشینیا ماموستایێن وان بۆ هاڤینێ بهێتە پاشخستن.
ل دویڤ بڕیارا ئه‌نجوومه‌نێ وه‌زیران ئه‌ڤ ساله ژ دایكبوویێن 1962، 1963 و 1964 دێ هێنە خانه‌نشین کرن.
ل هه‌رێما كوردستانێ زێده‌تری 32 هزار فه‌رمانبه‌ر دێ خانەنشین بن و ل پارێزگەها دهۆکێ سێ هزار و 500 فه‌رمانبه‌ر بەر دکەڤن كو چەندین رێڤه‌به‌رێن گشتی و پلێن بلند تێدانە.