ده‌هـ سالان به‌رییا نها چه‌كدارێن داعشێ ل كۆبانێ هاتنه ده‌رخستن، پشتى ب بڕیاره‌كا سه‌رۆك مه‌سعوود بارزانى، هێزێن پێمشه‌رگه‌ى د هاوارا شه‌ڕڤانان چووین و ئه‌و باژێڕ كۆنترۆل كر.
ل ئیلۆنا سالا 2014ێ چه‌كدارێن داعشێ هێرشه‌كا به‌رفره‌هـ كره سه‌ر كۆبانێ و 80%ێ یا وى باژێڕى ل رۆژئاڤایێ كوردستانێ كۆنترۆلكر.
ب بڕیارا سه‌رۆك بارزانى هێزێن پێشمه‌رگه‌ى چوونه رۆژئاڤا و پێشمه‌رگه‌ى ئاخا سێ وه‌لاتان بڕى و د هاریكارییا شه‌ڕڤانان چوون و هێزێن پێشمه‌رگه‌ى و شه‌ڕڤانان شه‌ڕه‌كێ دژوار ل گه‌ل تیرۆرستان كر و هێزێن هه‌ڤپه‌یمانییا نیڤده‌وله‌تى یا دژى داعشێ ژى پشته‌ڤانییا ئاسمانى ل پێشمه‌رگه‌ى و شه‌ڕڤانان دكر و كۆبانێ ب ته‌مامى ژ داعشێ پاقژ كر و ئازاد كر.
شه‌ڕێ هێزێن پێشمه‌رگه‌ى ملبملێ شه‌ڕڤانان ل رۆژئاڤا و ب تایبه‌ت كۆبانێ بۆ ده‌ما پێنج مه‌هان ڤه‌كێشا و پشتى ئه‌و باژێڕ كۆنترۆلكرى جاره‌كا دى هێزێن پێشمه‌رگه‌ى ڤه‌گه‌ڕیانه هه‌رێما كورستانێ.