نێچیرڤان بارزانى سه‌رۆكێ هه‌رێما كوردستانێ پێشوازى ل بۆریس پیستۆریۆس وه‌زیرێ به‌رگرییا ئه‌لمانیا و شاندێ دگه‌لدا كر.
سه‌رۆكایه‌تییا هه‌رێما كوردستانێ د ڕاگه‌هاندنه‌كێدا دیاركر، نێچیرڤان بارزانى سوپاسى و پێزانینێن هه‌رێما كوردستانێ بۆ پشته‌ڤانییا به‌رده‌وام یا ئه‌لمانیا ل عیراقێ و هه‌رێما كوردستانێ دهه‌موو بیاڤاندا دووپاتكر، هاریكارییا هێزێن ئه‌لمانیا د پرۆسه‌یا ئێكخستنا پێشمه‌رگه‌یدا و هاریكارییا ئه‌لمانیا بۆ پێكهاته‌یان ب تایبه‌تى ئێزدییان بلند نرخان.
هه‌روه‌سا دیاركر، وه‌زیرێ به‌رگرییا ئه‌لمانیا دووپاتى ل سه‌ر پابه‌ندبوونا وه‌لاتێ خۆ بۆ به‌رده‌وامییا پشته‌ڤانییێ و به‌رفره‌هكرنا هاریكارییێن هه‌ڤپشك دگه‌ل عیراقێ و هه‌رێما كوردستانێ د هه‌موو بیاڤاندا كر، خۆشحالییا خۆ ب ئه‌ركێ هیزێن ئه‌لمانیا ل هه‌رێما كوردستانێ ده‌ربرى، دووپاتى ل به‌رده‌وامبوونا وان كر.