سه‌رۆك مه‌سعود بارزانى په‌یامه‌ك ل دۆر داخویانیا ( ئه‌حمه‌د ئه‌لشه‌رع ) به‌لاڤكر، كو ناڤبرى دیاركربوو، گه‌لێ كورد ل سووریا دێ هه‌ڤپشه‌كا سه‌ره‌كى بیت د پاشه‌رۆژا سووریێدا.
سه‌رۆك بارزانى ڕاگه‌هاند، ئه‌وى داخویانییه‌كا به‌رێز ( ئه‌حمه‌د ئه‌لشه‌رع ) ل دۆر گه‌لێ كوردستانێ دبیت، ئه‌ڤ دیتنه بۆ كوردان و پاشه‌رۆژا سووریێ جهێ خۆشحالییێ یه و پێشوازییێ لێ دكه‌ن، هیڤیداره ئه‌ڤه ده‌ستپێكه‌ك بیت بۆ ڕاستكرنا ڕێره‌وێ مێژوویێ و ڕاستكرنا ئه‌وێ سه‌ره‌ده‌رییا شاش و نه دروست یا دگه‌ل گه‌لێ كورد ل سووریا هاتییه كرن.
هه‌روه‌سا سه‌رۆك بارزانى ئاشكراكر، ئه‌ڤ دیتنه ڕێخۆشكه‌ره بۆ بنیات دانا سووریایه‌كا ب هێز و پێدڤییه كورد و عه‌ره‌ب و هه‌موو پێكهاته‌یێن دییێن سووریێ، مفاى ژ ڤێ ده‌رفه‌تێ وه‌ربگرن داكو پێكڤه پشكدارییێ د دامه‌زراندنا سووریایه‌كا سه‌قامگیر و ئازاد و دیموكراتیدا د پشكداربن.