ڕێڤەبەرێ گشتیێ بازرگانی ئاشكرا كر، دۆماهیک کۆژمێ چەکێ پارێ گەنمێن ئەڤساڵە یێ جووتیارێن هەرێما کوردستانێ کۆ زێدەتر ژ 125 ملیار و 852 ملیۆن دینارایە هاتە وەرگرتن و بڕیارە دڤێ هەفتیێدا بهێتە دابەش کرن.
نەوزاد شێخ کامل، ڕێڤەبەرێ گشتیێ بازرگانی ل وەزارەتا بازرگانی و پیشەسازییا حكوومەتا هەرێما کوردستانێ، راگەهاند: "ئەڤڕۆ شەمبی 14ێ 12ێ 2024 چەکێ دوماهیک کۆژمێ پارێ گەنمێن جووتیارێن هەرێما کوردستانێ ل بەغدا وەرگرت و سباهی چەک دێ گەهیت و ڕێکارێن کارگێڕیی و دارایی دێ دەست پێکەین و پاشی دێ دابەش کەین."
ئاشکرا ژی کر، کۆژمێ پارەی ب گشتی 125 ملیار و 852 ملیۆن دینارن، گوتژی: "بۆ سلێمانیێ 47 ملیار و 642 ملیۆن دینارن، بۆ هەولێرێ 44 ملیار و 45 ملیۆن دینارن، بۆ دهۆکێ ژی 34 ملیار و 65 ملیۆن دینارن."
نەوزاد شێخ کامل ڕاگه‌هاند ژی، ئەو کۆژمێ پارەی دوماهیک کۆژمێ پارێ گەنمێن ئەفڤساڵە یێ جووتیارانە و بزاڤ دهێتە کرن کۆ دڤێ هەفتیێدا بهێتە دابەش کرن.