وه‌كو رێزگرتن بۆ ره‌نج و خه‌باتا كاك(حه‌سه‌ن عه‌لى عبدالله ) یێ به‌رنیاس ب حه‌سه‌ن حه‌فاره ئه‌ڤرۆ سپێدێ رۆژا ئێكشه‌مبى 22 /كانوونا ئێكێ /2024 ێ ل گورستانا نوو یا دهۆك ل سه‌رته‌نگێ ل سێمێلێ " د.عه‌لى ته‌ته‌ر" پارێزگارێ دهۆكێ ب ئاماده‌بونا خه‌لیل مه‌حمود ده‌ڤه‌ردارێ سێمێلێ وئیسماعیل محمد ده‌ڤه‌ردارێ دهۆكێ ورێڤه‌به‌رێ گشتى یێ ئه‌وقافا پارێزگه‌ها دهۆكێ وچه‌ند رێڤه‌به‌رێن په‌یوه‌ندیدار ترومبێله‌كا نوو ژجورێ تویوتا پێك ئاپ پێشكێشى كاك(حه‌سه‌ن عه‌لى ) یێ به‌رنیاس ب حه‌سه‌ن حه‌فاره كر .
پارێزگارێ دهۆكێ دپه‌یڤه‌كێدا ده‌ستخوشى ل حه‌سه‌ن حه‌فاره‌ى كر هه‌مبه‌ر ئه‌و خزمه‌تا پێشكێشكى هه‌موو خه‌لكێ ده‌ڤه‌رێ دكه‌ت وگوت : كاك حسن بێ فه‌رق وجوداهی خزمه‌تا هه‌موو دهۆكیا وده‌وروبه‌را یا كرى وپشتى گورستانا دهۆكێ ژشاخكێ هاتیه ڤه‌گوهاستن بو سه‌رته‌نگێ ل سێمێلێ مه هه‌ست پێكر هاتن وچونا كاك حه‌سه‌نى دێ بزه‌حمه‌ت كه‌ڤیت له‌ورا مه ئه‌ڤ ترومبێله پێشكێشى وى كر وئه‌ڤه ژى تشته‌كێ زۆر كێمه هه‌مبه‌ر خزمه‌تا وى وهیڤى یا ژییه‌كێ درێژ بۆ دخوازین.
هه‌ژى گوتنێ یه حه‌سه‌ن حه‌فاره‌ى هه‌تا نوكه (16) هزار و(248) مرى ل گورستانا شاخكێ و(106) مرى دى ل گورستانا نوو ل سه‌رته‌نگێ ل سێمێلێ ڤه‌شارتینه.