ئەڤرۆ دوشه‌مبێ ئێکەم روونشتنا پەڕلەمانێ کوردستانێ دێ هێتەکرن و هەمی زانیاری دیار دکەن کۆمبوون دێ ب ڤەکری مینیت.
بڕگه‌یێن كۆمبوونێ
ڤه‌كرنا روونشتنێ و خواندنا چه‌ند ئایه‌ته‌كێن قورئانا پیرۆز
ئێك خۆله‌ك بێ ده‌نگى بۆ گیانێ شه‌هیدان
داخوازكرنا ب ته‌مه‌نترین به‌ربژار بۆ برێڤه‌برنا روونشتنێ و سووندخوارنێ
په‌ڕله‌مانتار دێ سووندا قانوونى خۆن
ل 20ى مه‌ها بۆرى هه‌لبژارتنێن په‌ڕله‌مانێ كوردستانێ هاتنه كرن و 72%ێ یا وه‌لاتیێن هه‌رێما كوردستانێ پشكدارى تێدا كر و پترییا وه‌لاتان هه‌لبژارتن ب سه‌ره‌فتى ل قه‌له‌م دان.
پارتى پترین كورسى ل سه‌ر ئاستێ هه‌رێما كوردستانێ ب ده‌ست خستن و ئێكه‌تییا نشتیمانى ژى ل پێ هات و پێشبینییه هه‌ر دو ئالى حكومه‌تێ پێكبینن.
كورسیێن ئالیێن سیاسى
پارتى 39 كورسى
ئێكه‌تى 23 كورسى
نه‌وه‌ى نوێ 15 كورسى
یه‌كگرتوییا ئیسلامى 7 كورسى
هه‌لویست 4 كورسى
دادگه‌رى 3 كۆرسى
به‌ره‌ى گه‌ل 2كورسى
گۆڕان 1 كورسى
هه‌ڤپه‌یمانییا هه‌رێما كوردستانێ 1 كورسى
پێكهات 5 كورسى
پێشتر په‌ڕله‌مانێ كوردستانێ ژ 111 كورسییان پێك دهات، پشتى تۆماركرنا سكالایان ل سه‌ر كورسیێن كۆتایان دادگه‌ها فیدرال بڕیار دا وان كورسییان نه‌هێلیت و پشتى چه‌ندین نه‌رازیبوونین ناڤخۆیا هه‌رێمێ ب تایبه‌ت ژى پارتى كو داكۆكى ل گرنگییا هه‌بوونا پاراستنا مافێن پێكهاتان كر و جاره‌كا دى دادگه‌ها فیدرال پێداچوون كر كورسیێن په‌ڕله‌مانێ كوردستانێ ژ 111 كورسییان بوونه 100 كورسى و 5 ژ وان كوڕسییان بۆ پێكهاتان هاتنه دانان، كو پێكهاتێن كرستیان و توركمان ئه‌رمه‌نى نه، ل پارێزگه‌ها دهۆكێ كورسییه‌ك بۆ پێكهاتا ئه‌رمه‌نیانه و ل هه‌ولێرێ ئێك بۆ توركمانان و ئێك ژى بۆ كرستیانان و ل سلێمانیێ ژى ئێك بۆ توركمانان و ئێك ژى بۆ كرستیانایه.