شاندێن پارتی و ئێكەتییێ ئەڤرۆ ل بارەگایێ مەكتەبا سیاسییا پارتی دیموكراتی كوردستان كۆمبوون.
د كۆمبوونێدا، ڕەوشا دەڤەرێ، ئەو گوهۆرینێن ڕووداین و كارتێكرنا وان ل سەر عیراق و هەرێما كوردستانێ د ڤی دەمێ هەستیاردا هاتنە بەحسكرن، هەردوولایەن بۆ پاراستنا بەرژەوەندییێن بلند یێن هەرێما كوردستانێ ئێك هەلویست بوون.
هەروەسا پارتی و ئێكەتییێ بەحسێ پێنگاڤێن پێدڤی بۆ پێكئینانا كابینەیا نوو یا حكومەتا هەرێما كوردستانێ، ئامادەكارییێن بەرنامەكێ هەڤپشك بۆ قووناغا داهاتی یا حكومڕانییا كوردستانێ كر، ب شێوەكی كو پاراستنێ ل هەرێما كوردستانێ، ماف، بەرژەوەندییێن وەلاتییان و هەموو پێكهاتەیان بكەت.