توركیا وه‌ك ئێكه‌م وه‌لات پشتى كه‌ڤتنا رژێما به‌شار ئه‌سه‌د بالیۆزخانه‌یا خۆ ل پایته‌ختا سووریا دیمه‌شقێ ڤه‌كر.
گرۆپێن چه‌كدار و ته‌حریرولشام كو توركیا پشه‌ڤانیێ لێ دكه‌ت د كێمتر ژ 10 رۆژان دا ده‌ست ب سه‌ر پترییا وه‌لاتێ سووریا دا گرت و تا گه‌هشتییه دیمه‌شقا پایته‌ختێ وى وه‌لاتى.
ئه‌ڤرۆسپێدێ ل دیمه‌شقا پایته‌ختێ سووریا بالیۆزخانه‌یا سووریا هاته ڤه‌كرن و توركیا دبیته وه‌لاتێ ئێكێ كو بالیۆزخانه‌یا خۆ پشتى كه‌ڤتنا به‌شار ئه‌سه‌دى ل وى وه‌لاتى ڤه‌كه‌ت.
ژ ئالییه‌كێ دى ڤه بڕیاره سوبه‌هى شانده‌كێ وه‌لاتێ قه‌ته‌رى سه‌را سووریا بده‌ت و ل گه‌ل به‌رپرسێن حكومه‌تا كاربرێكه‌ر یا وى وه‌لاتى كۆمبیت.
قه‌ته‌رێ ل سالا 2011 و پشتى ناكۆكى و ئالۆزیێن ناڤخۆ بالیۆزخانه‌یا خۆ ل دیمه‌شقێ داخست و بالیۆزێ خۆ بۆ قه‌ته‌رێ ڤه‌گه‌ڕاند.
ل گۆڕه‌یى زانیارییان بریاره ئێكشه‌مبێ شانده‌كێ قه‌ته‌رى سه‌را سووریا بده‌ت و دێ رێكارێن پێدڤى بۆ ڤه‌كرنا بالیۆزخانه‌یا خۆ گریته به‌ر.