ئه‌ڤڕۆ پێنجشه‌مبی 12ێ 12ێ 2024، سەقاناسیا هه‌رێما كوردستانێ سەقایێ پێشبینیکریێ 48 دەمژمێرێن بهێت بڵاڤکر، ئەڤڕۆ پێنجشەمبی عەسمان ب گشتی دێ دناڤبەرا عەڤر و عەڤرێ تمام بیت، بۆ دەمێ ئێڤاری ژی دێ باران و بەفر دەستپێکێ ل دەڤەرێن چیایی یێن سنورێ باکوور بارن، پشترە دێ کاریگەرییا وێ درێژ بیت بۆ دەڤەرێن ئیدارەیا سۆران و دێ بەفر ل هەمی دەڤەرێن چیایی یێن وێ دەڤەرێ باریت و کاریگەریا وێ بەردەوام بیت بۆ رۆژا ئەینی.
سەقاناسیا هه‌رێما كوردستانێ ئاماژه بۆ وێ ژی کر، سباهی ئەینی دێ ل عەسمانی عەڤر هەبیت، و دێ باران و بەفر ژی ل دەڤەرێن چیایی ب تایبەتی ل دەڤەرێن ئیدارەیا سەربەخۆ یا سۆران و راپەرین باریت، پشترە کاریگەریا وێ ب لاوازی درێژ بیت بۆ دەڤەرێن رۆژهەڵاتا هەرێمێ، پشترە بۆ ئێڤاری دێ دوماهیک ب بارینێ هێت و سەقا جێگیر بیت.