ئاکرێ نیوز
ل ئاکرێ ژ ئەنجامێ کێشەیەکا کۆمەلایەتی بمخابنیڤە کەسەك هاتە کوشتن.
ژلایێ خوڤە مقدم عیماد حسێن پەیڤدارێ پولیسێن ئاکرێ بۆ ئاکرێ نیوز دیارکر کو ئەڤرۆ ئێڤاری ل ئاکرێ لنزیك ترافیکا ئازادی ژ ئەنجامێ شەرچوونێ دنافبەرا دوو لایەنان دا وپشتی تەقە هاتیەکرن د ئەنجام دا کەسەک بناڤێ «عمار سلام جوهر» تەمەن 23 سالی ئاکنجیێ تاخێ ئازادی بمخابنیڤە هاتە کوشتن و لاشێ وی هاتیە رەوانەکرن بۆ پزیشکیا داد ل پارێزگەها دهوكێ و کەسەکێ دی برینداربوویە و هاتیە رەوانەکرن بۆ نەخوشخانێ گولان.
پەیڤدارێ پولیسێن ئاکرێ دیارکر ژی کو پولیسێن ئـاکـرێ لجهێ رویدانێ ئامادەبوون و ڤەکولین هاتیە دەستپێکرن ب فەرمانا دادوەرێ ڤەکولینا ئاکرێ ولدیف بەندێ « 406 ی.س » فەرمانا گرتنێ بۆ (5)کەسان دەرکەفتیە وپەرێن ڤەکولین هاتینە ڤەکرن ژلایێ بنگەهێ پولیسێن نەخوشخانێ و ڤەکولین بەردەوامە.