دەستەیا سەقاناسی و بیڤەلەرزان یا ئیراقێ پێشبینی دکەت ل سەرتاسەری ئیراقێ پلەیێن گەرمێ دابکەڤن و سەقاناسییا دهۆکێ دبێژیت: ئەڤرۆ و سوبەهی ل چەندین دەڤەران دێ بەفر باریت.
دەستەیا گشتی یا سەقاناسی و بیڤەلەرزان یا ئیراقێ ئەڤرۆ راگەهاند: سەقایێ ئەڤرۆ رۆژا سێشەمبی دێ ب هەڤبەرکرن ل گەل دوهی، ساڕتر بیت و عەور دێ ژ لایێ رۆژئاڤای ڤە هێنە د ناڤ ئیراقێ دا و ئەڤ شەڤە ل باژێڕان دەلیڤەیا بارینا بارانێ هەیە.
ژێدەری دیار ژی کرییە: هەڤدەمی بارینا بارانێ ل هندەک باژێڕان، ل دەڤەرێن چیایی یێن پارێزگەهێن دهۆک، هەولێر، و سلێمانییێ ئەڤرۆ بەفر ژی دێ باریت.
سەقاناسییا دهۆکێ ژی دەربارەی سەقایێ ئەڤرۆ و سوبەهی راگەهاند: ئەڤرۆ رۆژا سێشەمبی بەفر دێ ل دەڤەرێن باکۆر و باکۆرێ رۆژهەلاتێ دهۆکێ تا دگەهیتە چیایێ شنگالێ دێ باریت و پێلا بەفربارینێ سوبەهی ژی دێ یا بەردەوام بیت.