نڤیسه‌ر و چالاكڤانه‌كا ئه‌مریكى دبێژیت: نێچیرڤان بارزانى تاكه كه‌سایه‌تییه ل رۆژهه‌لاتا ناڤین بێ لایه‌ن و په‌یوه‌ندیێن باش ل گه‌ل ئیران، ئیراق، سووریا، توركیا، ئه‌مریكا هه‌یه و دشیاندایه ببیته دانوستاندكارێ سه‌ره‌كى یێ بجهئینانا ئاشتیێ ل رۆژهه‌لاتا ناڤین و ناوچێ ژ شه‌ڕى ب پارێزیت.
قه‌نته: هه‌ڤپشكێ چاره‌سه‌ریا كێشه‌یان نێچیرڤان بارزانى یه
نڤیسه‌ر و چالاكڤانا ب ناڤوده‌نگا ئه‌مریكى - بریتانى د به‌رنامه‌یه‌كێ كه‌ناله‌كێ ئه‌مریكى دا به‌حسێ رۆلێ سه‌رۆكێ هه‌رێما كوردستانێ دكه‌ت و دبێژیت: هه‌ڤپشكێ چاره‌سه‌ریا كێشه‌یان نێچیرڤان بارزانى یه، هه‌روه‌سا دبێژیت: رۆسیا و ئه‌مریكا ل هه‌رێما كوردستانێ دانوستاندان بكه‌ن و كۆمببن و دبێژیت: نێچیرڤان بارزانى تاكه كه‌سایه‌تییه ل رۆژهه‌لاتا ناڤین بێ لایه‌ن و په‌یوه‌ندیێن باش ل گه‌ل ئیران، ئیراق، توركیا، ئه‌مریكا هه‌یه و دشیاندایه ببیته دانوستاندكارێ سه‌ره‌كى یێ بجهئینانا ئاشتیێ ل رۆژهه‌لاتا ناڤین و ناوچێ ژ شه‌ڕى ب پارێزیت.
قه‌نته: پێشتر ناڤبه‌ینكارى بۆ كێشه‌یێن توركیا، سووریا، ئیران و ده‌ڤه‌رێ كرینه
قه‌نته به‌حس ل كێشه و ئالۆزیێن ناڤبه‌را ئیران، ئه‌مریكا و شه‌ڕێ رۆسیا كر و گۆت: بۆ سه‌رۆك ترامپى دبێژم دئێكه‌م رۆژا خۆ دا دڤێت وان چاره‌سه‌ریێن ژیرانه ل گه‌ل بن و هه‌ڤپشكه‌كێ بهێز یێ چاره‌سه‌ریێ نێچیرڤان بارزانى، سه‌رۆكێ هه‌رێما كوردستانێ یه، كو پیشتر ژى ل گه‌ل توركیا، سووریا، ئیران بزاڤێن چاره‌كرنێ كرینه نه وه‌ك فه‌رمانكرن به‌لكو دشیاندایه دوماهى ب كێشه‌یان بهیت.
قه‌نته: كۆمبوونه‌كێ ل گه‌ل سه‌رۆكێ رۆسیا ل هه‌رێما كوردستانێ بكه
وێ خانمێ دیسا به‌حس ل كێشه‌یێن ناڤبه‌را رۆسیا و ئه‌مریكا كرینه و گۆت: ئه‌ز دبینم سه‌رۆك ترامپ دشێت ئێكه‌م پێنگاڤا ئاشتیی بهاڤێژیت كو ئه‌و ژى كۆمبوونه ژ ده‌رڤه‌یى مێزه‌كا دانوستاندنان ل گه‌ل ئێك بكه‌ن كو زێده‌تره ژ دو سالان چ دانوستاندان د ناڤبه‌را رۆسیا و ئه‌مریكا چێنه‌بووینه.
ده‌رباره‌یى جهێ كۆمبوونێ ژى قه‌نته ئه‌حمه‌د، نڤیسه‌را ئه‌مریكى – بریتانى گۆت: باشه كۆمبوونا ناڤبه‌را ئه‌مریكا و رۆسیا ل هه‌رێما كوردستانێ بهێته كرن كو په‌یوه‌ندیێن ل گه‌ل رۆسیا و نه‌فتا رۆسیا هه‌یه و هه‌روه‌سا دێ هه‌رێما كوردستانێ، ئه‌مریكا، رۆژهه‌لاتا ناڤه‌ڕاست و رۆسیا ژى ل ئێك كۆم كه‌ت و ئه‌ڤ ئالۆزى دێ نه‌رمتر بن.
پێشتر به‌حسا هه‌رێمێ ب باشى و ل ئاست وه‌لاته‌كێ ئاشتیخواز كریه
پێشتر چه‌ندین جاران هه‌ر ڤێ نڤیسه‌را ئه‌مریكى بریتانى به‌حس ل هه‌رێما كوردستانێ و سه‌رۆكێ وێ كریه و ب ده‌ڤه‌ره‌كا ئارام و پڕى هێز ل قه‌له‌م دایه.
دیدارا وێ بۆ كه‌نالێ فۆكس بوو كو نێزیكى ترامپى یه
د. قه‌نته ل له‌نده‌ن ژ دایك بوویه، ژ دایك و بابێن پاكستانى یه، ل سالا 1992یێ بۆ خواندنێ چوویه ئه‌مریكا و بۆ ده‌ما ساله‌كێ ژى چوویه سعوودیێ، پاشى بۆ خواندنێ و لێكۆلینێ چوویه ئسرائیلێ و ل سالا 2015 ژى ناسنامه‌یا ئه‌مریكى وه‌رگرتییه و نوكه ل نیۆیۆرك دژیت، ئه‌و هه‌ڤپه‌یڤین ل 26-11-2024ێ بۆ كه‌نالێ فۆكس نیوز كربوو، كو ب كه‌ناله‌كێ نێزیكى ترامپى دهێته هه‌ژمارتن.