ئه‌ڤرۆ رۆژا دووشه‌مبى 11\11\2025 ل هوڵا كونفرانسان ب ئاماده‌بونا د.ئاڵان حه‌مه سه‌عید وه‌زیرێ په‌روه‌ردێ و د.عه‌لى ته‌ته‌ر پارێزگارێ دهۆكێ و د. دلاوەر بۆزو دەڤەردارێ قەزا ئاکرێ و هژمارەکا بەرچاڤا هونه‌رمه‌ند و رەوشەنبیرێن دەڤەرێ فه‌ستیڤاڵا رێزگرتنێ ل هونه‌رمه‌ند شاكر محمد ئه‌مین ئاکرەیی برێڤەچوو.
درێ ورسمان دا په‌یڤێن رێڤه‌به‌ریا گشتى یا ره‌وشه‌نبیرى وهونه‌رى و وه‌زاره‌تا ره‌وشه‌نبیرى وچه‌ند هونه‌رمه‌ندان هاتنه خاندن ورولێ هونه‌رمه‌ندى هاته به‌رچاڤكرن.
پارێزگارێ دهۆكێ دپه‌یڤه‌كێدا ده‌ستخوشى ل رێكخه‌رێن فه‌ستیڤالێ كر وپه‌سنا رولێ هونه‌رمه‌ند شاكر ئاکرەیى كر هه‌مبه‌ر هونه‌ر وسترانێن وى یێن نه‌ته‌وه‌یى ونیشتمانى و پشته‌ڤانیا پارێزگه‌هێ دیاركر بۆ ئه‌نجامدانا هه‌موو چاڵاكیێن هونه‌رى وره‌وشه‌نبیرى وكلتورى وئه‌ده‌بى وبڤێ هه‌لكه‌فتێ خه‌لاته‌كێ رێزگرتنێ پێشكێشى هونه‌رمه‌ند شاكر محمد ئه‌مین كر وداخازا ژیه‌كێ درێژ بۆ كر .
پاش فلمه‌ك ل دور ژیانا هونه‌رمه‌ندى هاته نیشادان.
ل دووڤدا هونه‌رمه‌ند شاكر محمد ئه‌مین چه‌ند ستران ب ده‌نگێ خۆ یێ زه‌ڵال وچیایى پێشكێشكرن.
هونه‌رمه‌ند شاكر محمد ئه‌مین ل ساڵا 1954 ل باژێرێ ئاكرێ ژدایك بویه وهه‌تا نوكه شیایه (150) به‌رهه‌مێن هونه‌رى ژستران ولاڤژێن كوردى یێن نیشتمانى ونه‌ته‌وه‌یى به‌رهه‌م بینیت.