حکومەتا هەرێما کوردستانێ ل سەر گۆتنێن زاڤایێ سەدامی هاتە دەنگ کو گۆتبوو: "رژێما بەعس هەلەبجە کیمیاباران نەکرییە و مەسروور بارزانی ژی ئەڤ چەندە گۆتییە."
حکومەتا هەرێما کوردستانێ رۆهنکرنەک سەبارەت گۆتنێن زاڤایێ سەدام حسێنی، سەرۆکێ سزادایی یێ بەرێ یێ ئیراقێ، بەلاڤکر و نڤیسییە: کەسەکێ ب ناڤێ جەمال مستەفا تکریتی، کو دبیتە زاڤایێ دکتاتۆرێ بەرێ یێ ئیراقێ، د چاڤپێکەفتنەکا ل گەل رۆژنامەیا شەرقول ئەوسەتێ، حاشاتییێ ل کیمیابارانکرنا باژارێ هەلەبجەیێ دکەت، کو ژ لایێ رژێما بەعس ڤە هاتبوو کرن. بۆ ڤێ چەندێ ژی بەلگەیا خۆ ل سەر گۆتنەکا دروستکری و یا نە راست یا مەسروور بارزانی ئاڤا دکەت کو گۆتییە: "دو فرۆکەیێن ئیرانی هەلەبجە کیمیاباران کرییە."
حکومەتا هەرێما کوردستانێ ل سەر گۆتنێن وی دبێژیت: ڤێ گۆتنێ چ بنەما نینە و یا هاتییە دروستکرن و سەرۆکێ حکومەتێ چو جاران ئاخفتنەکا وەسا نەگۆتییە.
حکومەتا هەرێمێ هەروەسا گۆتییە: ئەنجامدەرێن کیمیابارانێ هەلەبجەیێ گەلەک د دیارن و هەمی بەلگە ل بەردەستن کو ئەنجامدەرا وێ رژێما بەرێ یا ئیراقێ یە.