دو کەس ل فرۆکخانەیا کەرکووکێ ب پاسپۆرتێن سەختە هاتنە گرتن و تا نوکە دیار نینە ئەو کەسە دبیانی بوون یان ژی وەلاتییێن ئیراقی نە.
ل گۆرەی ژێدەرێن ئەمنی یێن کەرکووکێ، رێڤەبەرێ پشکا پاسپۆرتان ل فرۆکخانەیا کەرکووکێ، ل دەما هویربینی د دو پاسپۆرتێن ئسرائیلی دا، شیایە ئاشکرا بکەت کو ئەو دو پاسپۆرت دسەختەنە و هەلگرێن وان پاسپۆرتان هاتینە گرتن.
ژێدەر ئاماژێ ددەنە وێ یەکێ کو ژبلی پاسپۆرتێن ئسرائیلی یێن سەختە، بەلگەنامەیێن دی ژی یێن وان دو کەسان دسەختە بوون، لێ تا نوکە یا دیار نینە ئەو دو کەسە وەلاتیێن ئیراقێ بوون و دخواست ب وان پاسپۆرتان بچنە ژدەرڤەی ئیراقێ یان ژی وەلاتییێن بیانی بوون و دخواست ب وان پاسپۆرتان ژ ئیراقێ دەربکەڤن.