په‌یڤدارێ وه‌زاره‌تا ناڤخۆیا ئیراقێ راگه‌هاند، قه‌ده‌غه‌یا هاتنوچوونێ ب مه‌ره‌ما كرنا سه‌رژمێریا گشتى ل ئیراقێ دێ ل ده‌مژمێر 12ى شه‌ڤا 19 لسه‌ر 20ى ڤێ هه‌یڤێ ده‌ستپێكه‌ت و دێ هه‌مى پارێزگه‌هێن ئیراقێ ب هه‌رێما كوردستانێ ژى ڤه ڤه‌گریت.
عه‌مید، میقداد میرى، په‌یڤدارێ وه‌زاره‌تا ناڤخۆیا ئیراقێ د كۆنگره‌یه‌كێ رۆژنامه‌ڤانى دا راگه‌هاند، ب مه‌ره‌ما ئه‌نجامدانا سه‌رژمێریا گشتى یا ئاكنجیان ل ئیراقێ دێ قه‌ده‌غه‌یا هاتنوچوونێ ل سه‌رانسه‌رى ئیراقێ هێته راگه‌هاندن و دێ هه‌رێما كوردستانێ ژى بخۆڤه گریت.
دا زانین ژى، قه‌ده‌غه فرینێن فرۆكخانه‌یان و بازرگانیا ده‌رگه‌هێن سنورى بخۆڤه ناگریت. دا زانین ژى قه‌ده‌غه دێ ل نیڤ شه‌ڤا 19 لسه‌ر 20 ڤێ هه‌یڤێ ده‌ستپێكه‌ت د ناڤبه‌را سه‌نته‌رێ پارێزگه‌هان و ناحیه و قه‌زایان دا.
په‌یڤدارێ وه‌زاره‌تا ناڤخۆ دا زانین، قه‌ده‌غه ژ رۆژنامه‌ڤانێن رێپێداى، تیمێن ساخله‌میێ، مه‌فره‌زێن هاتنوچوونێ و شاندێن دپلۆماسى ناگریت.