سه‌گڤان عه‌بدولخالق عومەر
ڕۆژا 5 ئۆكتۆبه‌رێ سالا 1994 هەموو سالا وەك ڕۆژا جیهانیا مامۆستایان هاتیە دەست نیشانکرن ، رۆژا 6 ێ ئۆكتۆبه‌رێ وه‌ك رۆژا مامۆستایێن كوردستانێ هاتیه دیاركرن ، دیارکرنا ئەڤێ ڕۆژێ هەڤدەمە دگەل دەرچوونا ئەوێ پێشنیارا هەڤبەش كو تایبەت بوو ب بارودۆخێ مامۆستایان و دناڤبەرا هەردوو ڕێكخراویێن كارێ نێڤدەولەتی و وڕێكخراوا یونسکۆ ل سالا 1966.
پەروەردەو فێركرنەکا ساخلەم وباش هیڤی و پاشەڕۆژو ژیانەکا باش وبەختەوەر و ساخلەم دئافرینت ، پێدڤی یە ئەو چەندە ژبیرا مە نەچیت کو بێ مامۆستایێن دڵسۆز و لێزان و وهۆشیارپەروەردەو فێركرنەکا باش دەستەبەرنابت ، مامۆستا ب نرخترین و مەزنترین ژێرخانا فێرکاری و پەروەردەیی و رۆشنبیرینە ، پیشەیا مامۆستایان پیرۆزترین پیشەیە دجیهانێدا و ب دایکا هەموو پیشەیان دهێتە هژمارتن ، مامۆستا خۆدانێ پیرۆزترین پەیامە و مژدەبەخشن بۆ دابینکرنا ژیانەکا باشتر و داهاتوویەکێ گەشتر و جیهانەکا ئاسوودەتر،مامۆستایان ب دلسۆزی و ماندیبوون خزمەتێ دکەن بێ کو چاڤــەرێی سۆپاسنامە وپاداشتابن ، ل هەموو وڵاتان بڤێ هەلکەفتێ قەفتێن گۆلان دهێنەپێشکێشکرن بۆ مامۆستایان .
ل ڤێ یادا پیرۆز دا ب شانازیڤە دبێژم سه‌ربڵندین ب وەیێن دلسوزو ماندوونه‌ناس كو هه‌میشه نموونا دڵسۆزو لێبوردەیی و پێشەنگێن زانست و زانینێ بووینه بۆ گه‌یاندنا په‌یاما پیرۆز ل ناڤا پۆل و قوتابخاناندا له پێناڤا دروست كرن و پێگه‌یاندن و بونیادنانا نه‌وه‌یه‌كێ كاراو زیندوو بۆ ئاینده‌و پاشە ڕۆژا گه‌لێ مە ،سوزێ ددەین کو هەمیشە پالپشت وداکوکیکەر بین ل سەر مافێ ماموستایین خوشتڤی.