ئاکرێ نیوز
ئەڤرو ب ئامادەبوونا هەر ئێک ژ بەرێزان دکتور سامان بەرزنجی وەزیرێ ساخلەمیێ دحکومەتا هەرێما کوردستانێ دا و د.عەلی تەتەر پارێزگارێ دهوکێ و د. مەردان خدر بەرپرسێ لقێ9 پارتی دیموکراتی و کوردستان و د. دلاوەر بوزو دەڤەردارێ ئاکرێ و و هژمارەک ژ رێڤەبەرێن گشتی و رێڤەبەرێن سازیێن دەڤەرێ ل ناحیا دینارتێ بنگەهەکێ ساخلەمیێ یێ مودرێن ژ جورێ A هاتە ڤەکرن.
ژلایێ خوڤە پەروین شەوقی بەرپرسا راگەهاندنا دەڤەرداریا ئاکرێ بۆ ئاکرێ نیوز گوت:" بنگەهێ ساخلەمیێ ژ جورێ A ل ناحیا دینارتێ ب کوژمێ 1 ملیار و 28 ملیون و 698 هزار دیناران هاتییە ئاڤاکرن ژبۆ خزمەتکرنا خەلکێ دەڤەرێ.
هەروەها ئاماژە دا وێ ئێکێ ژی کو ل کابینا نەهێ یا حکومەتا هەرێما کوردستانێ ب کوژمێ 9 ملیار و 981 ملیون دیناران پرۆژێن خزمەتگوزاری ل ناحیا دینارتێ ئەنجامداینە و هند ژوان پرۆژان ژی لژێر ئەنجامدانێ نە.