بالیۆزێ توركیا ل ئیراقێ ب سه‌رۆك بارزانى بارزانى راگه‌هاند، ئه‌و كه‌سێن گه‌نجێ دهۆكێ كوشتین دێ گه‌هنه سزایێ خۆ و هاتینه ده‌سته‌سه‌ركرن.
ئه‌ڤرۆ سێشه‌مبێ 3-9-2024ێ ل پیرمام سه‌رۆك مه‌سعوود بارزانى ل گه‌ل ئانیل بورا بالیۆزێ نوى یێ توركیا ل ئیراقێ كۆمبوو، د دیداره‌كێ دا دیتنێن خۆ ده‌رباره‌یى ره‌وشا سیاسى یا ئیراقێ و ناوچێ لێك گوهارتن، بالیۆزێ نوى یێ توركیا ل ئیراقێ خۆشحالییا خۆ بۆ ده‌ستبكاربونێ وه‌ك بالیۆز ل ئیراقێ ب سه‌رۆك بارزانى راگه‌هاند و نیازا وه‌لاتێ خۆ بۆ به‌رفره‌هكرنا په‌یوه‌ندییان ل گه‌ل ئیراق و هه‌رێما كوردستانێ دوپاتكر، ب تایبه‌ت د وارێن ئابۆرى، بازرگانى و هاریكارییا هه‌ر دو ئالییان.
هه‌ر د دیدارێ دا بالیۆزێ نوى یێ توركیا ل ئیراقێ ب هویرى به‌حس ل تاوانا كوشتنا گه‌نجه‌كێ هه‌رێما كوردستانێ كو خه‌لكێ پارێزگه‌ها دهۆكێ یه ل توركیا كر و زێده‌بارى ده‌ربڕینا سه‌ره‌خۆشیێ و هه‌ڤخه‌مییا خۆ ب سه‌رۆك بارزانى و كه‌سوكارێن قوربانى و ب سه‌رۆك بارزانى راگه‌هاند، ئالیێن په‌یوه‌ندیدار یێن توركیا دیفچوونه‌كا ته‌مام بۆ رویدانێ دكه‌ن و رێكارێن یاسایى گرتینه به‌ر و هه‌مى تاوانبارێن وێ رویدانێ هاتینه ده‌سته‌سه‌ركرن و تاوانبار دێ گه‌هنه سزایێ خۆ.
ژ ئالیێ خۆ ڤه سه‌رۆك بارزانى هیڤییا سه‌ركه‌فتنێ بۆ بالیۆزێ نوى یێ توركیا ل ئیراقێ خواست و دوپاتى ل گه‌شه‌پێدان و هه‌مانگییا ناڤبه‌را هه‌رێما كوردستانێ و توركیا دا كر.