سەرۆکێ حکوومەتا هەرێما کوردستانێ پێشوازیا شاندەکێ بریتانیا کر و سەرپەرشتیا ئیمزاکرنا رێکەفتنەکا بازرگانی د ناڤبەرا بریتانیا و هەرێما کوردستانێ کر.
ئەڤرۆ سێ شەمبی 3 /9 /2024، مەسرور بارزانی، سەرۆکێ حکوومەتا هەرێما کوردستانێ، پێشوازیا شاندەکێ بریتانیا کر، ب سەرۆکایەتیا ئۆلیڤەر کریستیان، کۆمیسیارێ شاهێ بریتانیا بۆ کاروبارێن بازرگانی ل رۆژهەڵاتا ناڤەراست و پاکستانێ.
د هەڤدیتنێدا کۆ ئەندرو بیزلی، کونسوڵێ گشتیێ شانشینا ئێکگرتی ل هەرێما کوردستانێ ئامادەبوو، گوتوبێژ ل دوور پەرەپێدانا زێدەتر یا پەیوەندیێن بریتانیا و هەرێما کوردستانێ کر، ب تایبەتی د وارێن بازرگانی و وەبەرهێنانێدا.
سەرۆکێ حکوومەتا هەرێما کوردستانێ سوپاسیا پشتەڤانی و هەڤکاریا بەردەوام یا شانشینا ئێکگرتی کر، بۆ هەرێما کوردستانێ و خواستا پێشڤەبرنا زێدەتر یا پەیوەندیێن هەردوو لا د وارێن جودادا دوپات کر.
کۆمیسیارێ شاهێ بریتانیا بۆ کاروبارێن بازرگانی، ئاماژە ب پێگەهێ گرنگێ هەرێما کوردستانێ کر، کۆ دەرفەتا زۆر بۆ پێشڤەبرنا پەیوەندیێن ناڤبەرا هەردوولا هەیە.
پاشی ب چاڤدێری و سەرپەرشتیا سەرۆکێ حکوومەتێ، رێککەفتنەک د ناڤبەرا هەرێما کوردستانێ و بریتانیا ئیمزاکر، د وارێن پەرەپێدانا بازرگانی و دەستنیشانکرنا وان بواران کۆ پێدڤینە بۆ کارکرن و پێشڤەبرن و گەشەپێدانا وان، وەکو چاندن و ساخلەمی و پێشڤەبرنا شیانێن مرۆیی و تەکنەلۆژی