چه‌سپاندنا پتر یا سه‌روه‌رییا قانوونێ و ڕێزگرتن ل دادگه‌هێ و ده‌ستهه‌لاتا دادوه‌رى، پشكه‌ك ژ دیتنا نه‌گوهۆر یا پارتییه، پارتى دڤان هه‌لبژارتناندا كاردكه‌ت بۆ:
– بهێزكرنا په‌یوه‌ندییێن سیاسى دگه‌ل هێزێن سیاسییێن كوردستانێ و عیراقێ.
– بجهئینانا ده‌ستوورێ گشتییێ عیراقێ ژ كارێن ده‌ستپێكێ یێن پارتییه.
– ب ڕێیا دانوستاندنێ دگه‌ل حكومه‌تا فیدرال، كار بۆ پابه‌ندبوونا په‌رله‌مان، حكومه‌تا فیدرال ب بنه‌مایێن، هه‌ڤپشكى، سازان و هه‌ڤسه‌نگییێ دكه‌ت.
– پارتى كار بۆ بجهئینانا ڕێككه‌ڤتننامه‌یا شنگالێ دكه‌ت، داكو شنگال یا مفاداربیت، خه‌لكێ وێ یێ خوشتڤى ب سه‌ربلندى ڤه‌گه‌ریته جهێ خۆ.
– پارتى دووپاتییێ ل سه‌ر بجهئینانا مادده‌یێ 140 یێ ده‌ستوورێ گشتییێ عیراقێ و ڤه‌گه‌راندنا هه‌موو ده‌ڤه‌رێن كوردستانێ دكه‌ت.
– پارتى هه‌رده‌م بزاڤێ بۆ قه‌ره‌بووكرنا قۆربانییێن جینۆسایدێ، جینۆسایدا شه‌رێ داعشێ دكه‌ت.