ب هەلکەفتا یادا ژ دایکبوونا پێغەمبەرێ ئیسلامێ خوشتڤیێ مە هەمییان محەمەد (سلاڤێن خودێ لسەر بن) ل مزگەفتا مەزن سەنتەرێ باژێرێ ئاکرێ هند چالاکیێن ئاینی برێڤەچوون کو سرودێن ئاینی هاتن گوتن و شریناهی هاتن بەلاڤکرن.
دڤێ یادا پیروزدا (د.مەردان خدر) بەرپرسێ لقا9 یا پارتی دیموکراتی کوردستان و کارگێرێن لقێ و ماموستا و زانایێن ئاینی و هژمارەیەکا رێڤەبەرێن حزبی و حکومی و وەلاتی بەرهەڤببون.
ژلایێ خوڤە د.مەردان خدر بەرپرسێ لقێ9 پارتی دیموکراتی کوردستان بۆ ئاکرێ نیوز دیارکر زێدەباری پیرۆزی و بلند راگرتنا ڤێ رۆژێ شریناهیێن هەموو مزکەفتێن سنوورێ قەزایێن ئاکرێ و بەردەرەش لسەر ئەرکێ لقا9 پارتی هاتینە دابینکرن.
یا جهێ ئاماژێ د مەراسیمان دا هەمی ئالیەک ژ خودایێ مەزن هیڤی خواز بوون دڤێ روژا پیروزدا دەرگەهێ خێر و بەرەکەتێ و ئاشتی و ئارامیێ بسەر گەلێ کوردستانێ و جیهانێ دا ڤەکەت، گیانێ لێبوردن و پێکڤەژیانێ دناڤبەرا هەمی کەسان دا بەر قەرار بکەت.