ئاکرێ نیوز
دەڤەرداریا ئاکرێ بەلاڤکر کو پڕوژێ ئاڤا ستراتیژی یا ئاکرێ بەر ب قوناغێن دومەهیێ یە و بۆ ڤێ مەرەمێ ئەڤرۆ ڕۆژا سێ شەمبی رێکەفتی 24 / 9 / 2025 بەرێز ( د. دلاوەر بوزو ) دەڤەردارێ قەزا ئاکرێ دگەل ئەندازیار ( شاکر برادوستی) خودانێ کومپانیا جێبەجێکار یا پروژێ ئاڤا ستراتیجی یا ئاکرێ کومبوویە.
د ڤێ هەڤدیتنێ دا هەردوو ئالیان لدور دوماهیک پێشڤەچونێن کار و قوناغێن جێبجێکرنا پروژێ ئاڤا ئاکرێ گەنگەشەکرینە، و دیارکرییە کو ب بەردەوامی کار لسەر پرۆژێ ناڤهاتی دهێتەکرن و کارێن پرۆژەیی بەر ب دوماهیێ یە.
دەڤەرداریا ئاکرێ دیارکرییە ژی کو رێژا تەمامبوونا ڤی پڕۆژەیی گەهشتییە 70 ٪ و کوژمێ پێتڤی بۆ ئەنجامدانا ڤی پرۆژەی ژلایێ کابینا نەهێ یا حکومەتا هەرێما کوردستانێ هاتییە دابینکرن و ب تەمامبوونا ڤی پرۆژەیی قەیرانا کێم ئاڤیێ ل ئاکرێ و دەڤەرێ دهێتە چارەسەرکرن.