نێچیرڤان بارزانى، سه‌رۆكێ هه‌رێما كوردستانێ په‌یامه‌ك د یادا 63مین سالیادا شۆڕشا مه‌زنا ئیلۆنێ دا به‌لاڤكر راگه‌هاند، شۆڕشا ئیلنۆێ بوو نه‌مایێ ئێكه‌مین دانپێدانا فه‌رمى ب مافێن گه‌لێ كورستانێ و بناغه‌یێ هه‌مى ده‌ستكه‌فتێن د دویفدا.
د 63مین سالیادا شۆڕشا مه‌زنا ئیلنۆێ دا بارزانیێ نه‌مر، رابه‌رێ شۆڕش و ته‌ماما پێشمه‌رگێن قاره‌مان و هه‌موو وان تێكوشه‌ڕان ل بیر دئیننن كو هێز و ده‌تس و بازێن شۆڕشێ بوون، ب رێز ڤه وان ل بیر دئینین، سلاڤ ل گیانێ وان یێ پاقژ و هه‌موو خه‌باتكه‌رێن د وان رۆژێن سه‌خت دا و هێشتا نوكه د ژیانێ دا، هیڤییا ته‌مه‌ندرى و سلامه‌تیێ ژى بۆ خواست.
هه‌روه‌سا دیاركر، شۆڕشا مه‌زنا ئیلنۆێ كو شۆڕشا هه‌موو گه‌لێ كوردستانێ ب وو ب هه‌موو پێكهاتێن وێ ڤه، بوو كۆكا بیر و ناسنامه‌یا نه‌ته‌وه‌یى و نشتیمانى و شكۆیا هه‌موو كوردستانییان و ئیراده‌یا پۆلاینى یا گه‌لێ كوردستانێ بۆ به‌رهنگاربوونا سته‌م و داگێركاریێ.
هه‌روه‌سا گۆت: شۆڕش ده‌نگێ زه‌لالێ ئازادیخوازان و دۆزا ره‌وا یا گه‌ل و نشتیمانى بوو كو ژ پێناڤ ئازادیێ هه‌موو قوربانییه‌ك به‌خشى و بوویه بنه‌مایێ ئێكه‌مین دانپێدانا فه‌رمى ب مافێن گه‌لێ كوردستانێ و بناغه‌یێ هه‌موو ده‌ستكه‌فتێن د دووف دا.
هه‌ره‌سا دوپاتى ل ئیراده‌یا بهێز یا گه‌لێ كوردستانێ بۆ پاراستن و ب ده‌ستڤه‌ئینانا ته‌ماما مافێن ده‌ستوورى و ته‌بایى و پێڤه‌یى د ناڤا هه‌موو پێكهاتان دا كر و دیاركر، ده‌ستێ خۆ ل پره‌نسیپ وبهایێن بلندێن شۆڕشێ بگرن ژ خه‌بات و تێكۆشین و چووك نه‌دانان ژبۆ ئازادى و دیمۆكراسیێ و ب ئۆمێد و گه‌شبینى تا بگه‌هینه سه‌ركه‌فتنێ و بجهئینانا خه‌ونا مه‌زن یا شه‌هدیان و به‌ره‌ف داهاته‌كێ باشتر بچین.