وەزارەتا باژێڕڤانی و گەشتوگۆزار یا هەرێما کوردستانێ رێنمایێن نوی بۆ بانگەشەیا هەلبژارتنان بەلاڤ کرن و راگەهاند: نابیت پۆستەر و وێنەیێن حزب و بەربژاران ب بزماران یان ب سیکۆتینێ ل جهێن گشتی بهێنە هەلاویستن.
وەزارەتا باژێڕڤانی و گەشتوگۆزار یا هەرێما کوردستانێ ئەڤرۆ سپێدێ نەهـ رێنمایێن نوی بۆ بانگەشەیا هەلبژارتنان بەلاڤ کرن و راگەهاند: نابیت پۆستەرێن بەربژار و حزب و لایەنێن سیاسی ب سیکۆتینێ یان بزماران یان ب لزقێ ل دیوار و ستوینان بهێنە دان و هەروەسا نابیت پۆستەر ل ناڤ پارکێن گشتی و باخچەیێن ل ناڤەراستا جادەیان بهێنە دانان.
وەزارەتا باژێڕڤانی و گەشتوگۆزار هەروەسا دبێژیت: نابیت تەقن و چیمەنتۆ و بلۆک بۆ راگرتنا پۆستەران بهێنە بکارئینان و نابیت پۆستەر ل فلکان بهێن دانان کو ببنە ئەگەرێ چێبوونا رویدانێن هاتنوچوونێ.
د رێنمایێن وەزارەتا باژێرڤانی دا هاتییە ژی: پێدڤییە هەمی بەربژار دپێگیر بن و هەر بەربژارەکێ پێگیرییێ نەکەت، تیمێن باژێڕڤانییێ درێپێدایی نە پۆستەرێن وی بەربژاری رابکەن