ئیراق و ئیرانێ 14 یاداشتێن لێكتێگه‌هشتنێ ئیمزاكرن، سه‌رۆكوه‌زیرێ ئیراقێ و سه‌رۆككۆمارێ ئیرانێ دوپاتى ل بجهئینانا وان كرن.
ئه‌ڤرۆ چارشه‌مبێ سپێدێ 11-9-2024ێ سه‌رۆككۆمارێ ئیرانێ، مه‌سعوود پزیشكیان گه‌هشته به‌غدا، نازم ده‌باغ، نوینه‌رێ حكومه‌تا هه‌رێما كوردستانێ ل ئیرانێ بۆ گاڤ دبێژیت: پزیشكیان دێ سه‌را هه‌رێما كوردستانێ ژى ده‌ت و دێ ل گه‌ل مه‌زنه به‌رپرسێن هه‌رێمێ كۆمبیت.
ئه‌ڤرۆ چارشه‌مبێ 11-9-2024ێ محه‌مه‌د شیاع سوودانى، سه‌رۆكوه‌زیرێن ئیراقێ و مه‌سعوود پزیشكیان، سه‌رۆككۆمارێ ئیرانێ كۆمبوون، 14 گرێبه‌ست د وارێن جودا سیاسى، ئابۆرى و سه‌ربازى دا ئیمزاكرن.
د كۆنگره‌یه‌كێ رۆژنامه‌ڤانى دا محه‌مه‌د شیاع سوودانى، سه‌رۆكوه‌زیرێن ئیراقێ گۆت: دێ بزاڤان كه‌ین ئاسانكارى د هاتنوچوونا زیاره‌تكاران دا بهێته‌كرن و كۆمپانییێن ئیرانى دێ ل ئیراق وه‌به‌رهێنانێ كه‌ن و ئاشكراكر، لژنه‌یه‌كا دو قۆلى د ناڤبه‌را ئیراق و ئیرانی دا هه‌یه و ئه‌ڤ یه‌كه بۆ پاراستنا سنۆرانه.
ژ ئالییێ خۆ ڤه مه‌سعوود پزیشكیان، سه‌رۆككۆمارێ ئیرانێ دیاردكه‌ت، سه‌ره‌دان گرنگ بوو و ژ نێزیك ئاگه‌‌هدارى كارى بووین و دوپاتكر ئه‌و پشتى وه‌سته‌گه‌ها خۆ یا ئێكێ كو ئیراقه دێ دێ سه‌را ئه‌مریكا ژى ده‌ت.
پزیشكیان ئاشكراكر، ئیراق و ئیرانێ پێگه‌هه‌كێ مه‌زن ل ناوچێ هه‌یه و تیمێن هه‌ڤپشك د ناڤبه‌را ته‌هران و به‌غدایێ دا هه‌نه و پلانا پاشه‌رۆژێ هاتییه دانان و د كۆمبونێن بهێن دا دێ هنده‌ك رێككه‌فتنێن دى ژى هێنه ئیمزاكرن و ئه‌ڤه ژى دێ چنه وارێ بجهئینانێ دا