ل سنورێ قەزایا ئاکرێ بەرهەمێ هنگڤینی کێمتر بوویە ژبەر زۆریا رێژەیێن باران بارینان و قەدەغەکرنا هند دەڤەران ب سەدەم هەبوونا پەکەکێ
ئەندازیار کاروان جمال بۆ ئاکرێ نیوز گۆت ، د ئەڤ سالەدا گۆهرین دێ بسەر بەرهەمێ هنگڤینی دا هێت ژبەر کو رێژەیێن باران بارینێ ل دەڤەرێ گەلەک د زۆر بوون و حەتا رادەیەکی هەبوونا پەکەکێ ژی لدەڤەرێ کارتێکرن کریە سەر بەرهەمێ هنگڤینی
ئەو یەک ژی دیارکر ، ب سەدەم گرنگیدانا کابینەیا نەهێ یا حکومەتا هەرێما کوردستانێ دڤان سالان دا رێژەیا هەنگەڤانان زێدەتر لی هاتیە و بەرهەمێ هنگڤینێ ئاکرێ ل بازارێن بیانی دهێت ساخکرن
لگۆری داتایێن رێڤەبەریا چاندنا ئاکرێ ل سنورێ ڤێ قەزایێ ٢١.١٥٢ مالە مێش هەنە و زێدەتریا ٥٠٠ هەنگەڤانان ب ئاوایەک سروشتی هنگڤینی بەرهەم دئینن و هنگڤینێ ئاکرێ تایبەتمەندیا خۆ هەیە