وەزارەتا خواندنا بلند و ڤەکۆلینێن زانستی ناڤێن سێ ئێکەمێن دەرچوویێن زانکۆ و پەیمانگەهان رەوانەی وەزارەتا دارایی کرن و دامەزراندنا وان دچیتە د قووناغێن دویماهییێ دا.
عەباس ئەکرەم، پەیڤدارێ وەزارەتا خواندنا بلند و ڤەکۆلینێن زانستی یا حکومەتا هەرێما کوردستانێ راگەهاند: وەزارەتا خواندنا بلند ناڤێن سێ ئێکەمێن دەرچوویێن زانکۆ و پەیمانگەهان یێن دانەمەزراندی، ب مەبەستا دامەزراندنێ بۆ وەزارەتا دارایی رەوانەکرن.
ل گۆرەی نڤیسارەکا وەزارەتا خواندنا بلند، هەڤدەمی هنارتنا ناڤێن ئێکەمێن دەرچوویی، وەزارەتا خواندنا بلند داخواز ژ وەزارەتا دارایی یا هەرێما کوردستانێ کرییە، ناڤێن وان ئێکەمان کو بایۆمەتری بۆ هەمییان هاتییە کرن، بۆ وەزارەتا دارایی یا ئیراقێ رەوانە بکەت.