ئەڤرۆ پێنجشەمبی 22ێ ئاب 2024 ل سەلاحەددین سەرۆك مەسعود بارزانی پێشوازییا غیبتەی پاتریارك كاردینال مار لویس ڕۆفائێل ساكۆ سەرۆكێ كەنیسا كلدانی ل عێراق و جیهانێ و شاندەكێ پێرە كر.
د هەڤدیتنێدا سەرۆكێ كەنیسا كلدانی ل عێراق و جیهانێ پەسنا ڕۆڵێ سەرۆك بارزانی كر ل بزاڤێن وی بۆ پاراستنا پێكهاتا كریستیان و پشتەڤانیکرنا داخوازیێن وان و پێدانا پشتراستیێ بۆ گەرەنتیبوونا پاشەرۆژا وان ل هەرێما كوردستان و عێراقێ و ڕاگەهاند ژی كۆ كریستیانێن دەرڤەی عێراقێ و هەرێما كوردستانێ ژی سوپاسگوزاریا هەڵویستێن سەرۆك بارزانینە.
هەر د وێ هەڤدیتنێدا سەرۆك بارزانی ژبلی بخێرهێنانا سەرۆكێ كەنیسا كلدانی ل عێراق و جیهانێ و شاندێ پێرا، ڕاگەهاند كۆ كریستیان و هەمی پێكهاتەیێن ئاینی و نەتەوەیێن كوردستانێ وەكە پشکەک ل گەلێ خۆ دزانین و ب هەمی شێوەیەكێ بەرگریێ ل مافێن وان دكەین و ئەڤە ژ لایێ مەڤە وەكە پڕەنسیپەكا نەگۆهڕە.
ڕەوشا سیاسییا عێراقێ و ڕەوشا كەركووكێ و چەند بابەتێن گرێدایی ب پێكهاتان تەوەرێ دی یێ وێ هەڤدیتنێ بوو.