ئاکرێ نیوز
هونەرمەند رێناس ئاکرەیی ددیدارەکێ بۆ ئاکرێ نیوز دیارکر ئەڤە دەمەکێ درێژە کاری ل سەر تۆمارکرنا ئەلبوومەکا نوی دکەت ب ناڤێ ( گولێ ) کو ژ چوار تراکان پێک دهێت سترانا گولێ و نە ئەڤینە کلیپ کرینە و لڤان نزیکان دێ ئەلبۆما خۆ و کلیپا گولێ بەلاڤکەت.
هونەرمەندێ ئاکرەیی ئەو چەند ژی دیارکر کو هەر تراکەکا من چێکری ژدوو سترانان پێک دهێت و وەکو ئاشۆپەکێ ئەڤ ئەلبوومە من چێکرییە، هەروەها پەیڤ و ئاوازێن سترانا گولێ یێن من ب خۆنە دابەشکرنا مۆزیکێ ژی لایێ موزیک ژەن سەرهەنگ ئیلهام ئاکرەیی ڤە هاتییە چێکرن و کارێ دەرهێنانا کلیپێ ژی ژلایێ باڤل سەرهەنگی ڤە هاتییەکرن و ئەڤ سترانە ل باژێرێ ڕوتردام ل هۆلەندا ب هەڤکاریا گرۆپەکێ گەنجێن ئاکرێ کو پشکداری دکلیپێ داکرییە وێنەکرینە، ئەو تراکێن ماین ژی دێ ل سەر یۆتۆبێ خۆ بەلاڤ کەم.
هەڤدەم دێ سترانەکا دیتر ل وێ ئەلبووما خۆ یا نوی کلیپ کەم هەروەها بۆ سەرێ سالێ ژی من لبەرە ئەلبوومەکا دیتر بەلاڤ بکەم، کو ئەڤە دوو سالە ئەز کار د تۆمارکرنا وێ ئەلبوومێ دا دکەم ، دیسان ب رەنگەکێ بەردەوام ئەز کارێن خۆ یێن هونەری ل دەرڤەی وەلاتی دکەم.