سه‌رۆك بارزانى ل گه‌ل بالیۆزێ پاكستانێ ل ئیراقێ كۆمبوو، هه‌ر دو ئالییان په‌یوه‌ندییێن هه‌رێم و ئیراقێ و ئالۆزییێن ناوچێ به‌حسكرن.
باره‌گه‌هێ بارزانى به‌لاڤكریه، ئه‌ڤرۆ سێشه‌مبێ 27-8-2024ێ ل پیرمام سه‌رۆك مه‌سعوود بارزانى ل گه‌ل محه‌مه‌د زیشان ئه‌حمه‌د، بالیۆزێ پاكستانێ ل ئیراقێ كۆمبوویه.
هه‌روه‌سا دیاركریه، د دیارێ دا بالیۆزێ پاكستانێ ل ئیراقێ خۆشحالییا خۆ بۆ ئاڤه‌دانكرن و ئارامى و پشتته‌ڤانییا ل هه‌رێما كوردستانێ هه‌یى ده‌ربڕى و ده‌ستخۆشى ل حكومه‌ت و سه‌ركردایه‌تییا هه‌رێما كوردستانێ كر و ب سه‌رۆك بارزانى راگه‌هاند، وه‌لاتێ وى خوازیاره په‌یوه‌ندیه‌كا نێزیك د وارێن جودا یێن بازرگانى و كلتۆرى ل گه‌ل هه‌رێما كوردستانێ هه‌بن.
ره‌وشا سیاسى یا ئیراقێ و ناوچێ و په‌یوه‌ندیێن د ناڤبه‌را حكومه‌تا هه‌رێما كوردستانێ و حكومه‌تا ئیراقا فیدرالى دا و هه‌روه‌سا گه‌فا تیرۆرێ ل سه‌ر ئاستێ جیهانێ و ناوچێ ته‌وه‌رێن دى یێ دیدارێ بوون.