ئاکرێ نیوز
ژبۆ گرنگیدان ب هونه‌ر وهونه‌رمه‌ندێن كورد ئه‌ڤرۆ نیڤرۆ رۆژا چارشه‌مبى 14/ته‌باخا /2024 ێ ل سه‌نته‌رێ ده‌ڤه‌رداریا شێخان ب ئاماده‌بونا د.عه‌لى ته‌ته‌ر پارێزگارێ دهۆكێ وسالح حه‌یدر به‌رپرسێ لقێ بیست یێ پارتى دیموكراتى كوردستان وسه‌ردار یه‌حییا ده‌ڤه‌ردارێ شێخان وچه‌ند به‌رپرسێن حزبى و ئیدارى و هونه‌رى وب ئاماده‌بونا هونه‌رمه‌ند حه‌سه‌ن عه‌لى خه‌نجه‌ر په‌رده ل سه‌ر په‌یكه‌رێ هونه‌رمه‌ندێ مللى یێ ناڤبرى هاته لادان.
پارێزگارێ دهۆكێ دپه‌یڤه‌كێدا رۆلێ هونه‌رمه‌ندێ مللى وزیندى حه‌سه‌ن عه‌لى خه‌نجه‌ر به‌رز هه‌لسه‌نگاند وده‌ستخوشى ل رێڤه‌به‌ریا گشتى یا ره‌وشه‌نبیرى وهونه‌رى ل پارێزگه‌هێ وسه‌ندیكا هونه‌رمه‌ندێن كوردستانێ لقێ دهۆكێ كر بۆ چێكرنا په‌یكه‌رێ هونه‌رمه‌ندى وداخازا ساخ وسلامه‌تیێ وژییه‌كێ درێژ بۆ هونه‌رمه‌ندێ پێشمه‌رگه وزیندانى یێ سیاسى كر.
هه‌ژى گوتنێ یه په‌یكه‌رێ هونه‌رمه‌ند حه‌سه‌ن عه‌لى خه‌نجه‌ر ب پشته‌ڤانیا پارێزگه‌ها دهۆكێ هاتیه چێكرن وه‌كو رێزگرتنه‌ك هه‌مبه‌ر رۆل وخه‌باتا هونه‌رمه‌ندى ژبۆ پاراستنا ستران وكلتور ومێژویا ره‌سه‌نا گه‌لێ كورد.