د کێمتری سالەکێ دا ب گوژمێ نزیکی ٢٠ ملیۆن دیناران وەلاتی هاتینە سزادان ب سەدەم ژناڤبرنا داران

ل سنورێ قەزایا ئاکرێ دوو جۆرێن دارستانان هەنە دەستکرد و سروشتی کو دناڤێ دا زۆرترین دارێن بەریێ و کاژان هەنە

محمد چۆلی بەرپرسێ هۆبا درستانان و پاوانان گۆت، ل سنورێ قەزایا ئاکرێ بەردەوام کار دهێت کرن ژبۆ زێدەکرنا رێژەیا کەسکاتیێ ب دروستکرنا دارستانێن دەستکرد و بتایبەت ئەو جهێن کو دەشتن و چ دار لێ نینە و زێدەتریا دارێن کو هەنە بەری مازی و کاژن

خویاژیکر، کو ئەو بەردەوامن ب کارێ پاراستنا دارستانان ژبۆ کو ژناڤنەچن و هەر کەسەکێ دارستانان تێکبدەت ب سوتنێ و برینێ دهێتە سزادان و دکێمتری سالەکێ دا ب گوژمێ نزیکی ٢٠ ملیۆن دیناران وەلاتی هاتینە سزادان ب سەدەم ژناڤبرنا داران ل ئاکرێ

ئەڤە د دەمەکی دایە کو ل سنورێ قەزایا ئاکرێ زێدەتری ٢٥٠ هزار دۆنەمێن ئەردی هاتینە خەملاندن ب دارستانێن سروشتی و دەستکرد