سەرۆکایەتییا هەرێما کوردستانێ ڕاگەهاندنەک بەلاڤکریە و تێدا هاتیە،”ل دەمێ چەند ڕۆژێن بووری کارڤەدانەکا بەرفرەهــ ب تایبەتی ل تۆرێن جڤاکی بەرامبەر داخویانییەکا نە دروست یا کەسایەتییەکێ ئێزدی هاتیە، ل ڤێرە دووپات دکەین کو چ جۆرە پێشێلکاری و بێڕێزیەک بەرامبەر هەر بیر و باوەر و ئایینەکی، قەبیلکری نینە و شەرمزار دکەین.
ئاماژە کریە ژی، د هەمان دەمدا شاشییا کەسەکی ل هەر ئایینەکی بیی، نابیت ب شاشییا هەمی پێگیرێن وی ئایینی بهێتە هەژمارتن، لەورا پێدڤییە هەمی لایەک پێگیرییێ ب کلتوورێ ئێکدوو قەبوولکرنێ و لێبوورینێ و پێکڤە ژیانێ بکەن و رێکێ ل دروستبوونا گۆتارا رەق و دژایەتییێ و کەرب و کینێ بگرن.
هەروەسا دیارکریە، لایەنێن پەیوەندیدار بەرپرسن ل دووڤچوون و ڤەکۆلینا یاسایی، هەمی لایەکی ژی پشتڕاست دکەین کو هەرێما کوردستانێ بۆ هەمی دەما وەک نموونەیا پێکڤەژیانا ئاشتیانە و برایەتییێ دێ مینیت، هیچ بەهانەیەک بۆ درووستکرنا ئالۆزییان و دروستکرنا گەفان بۆ سەر وەلاتییان و پێکهاتەیێن ئایینی و نەتەوەیێن کوردستانێ ناهێتە قەبیلکرن.