دلڤین شه‌مال
ئه‌ڤرۆ جڤاتا نونه‌رێن عیراقێ كۆمبوونا خوه ئه‌نجامدا و تێدا ڤه‌خواندنا ئێكێ بۆ هه‌موارا یاسا بارێ كه‌سی هاته كرن و د مادده‌یێ 2 یێ پرۆژه یاسایێ دا هاتیه كو دادگه‌هـ وان گرێبه‌ستێن هه‌ڤژینێ په‌سه‌ند بكه‌ت كو د ناڤبه‌را تاكێن پێگه‌هشتی دا دهێته ئه‌نجامدان ، ب ڤێ چه‌ندێ بیت دێ كچا سه‌ر ژیێ 9 سالیێ هێته ب شودان كو ئه‌ڤه دژی هه‌موو پره‌نسیپ و داب و نه‌ریتایه و نابیت رێك بڤێ یاسایێ بهێته دان كو بهێته په‌سه‌ند كرن ژبه‌ركو ئه‌ڤه سڤكاتیه ب ئافره‌تان دهێته كرن ب ڤێ بریارێ.
د وێ یاسایێ دا هاتیه هه‌ر كه‌سێ بالغ بوو دشێت ژیانا هه‌ڤژینێ پێكبینیت ئه‌ڤه ژی دێ كاره‌ساتێن مه‌زن ل پشت خۆ هێلێت ئه‌وێن ئه‌ڤ جۆره بریاره دای د خه‌ما ره‌وشا جڤاكی دا نینه ژبه‌ركو نوكه ل عیراقێ هه‌ر ده‌مژمێره‌كێ چه‌ندین حاله‌تێن ژێكڤه‌بوونێ دهێنه تۆماركرن سه‌ره‌رای كو هێشتا یاسا ب شودانا كچێن پتری 9 سالێی نه‌هاتیه په‌سه‌ند كرن ،تێگه‌هشتنا تاكێن جڤاكێ ده‌ڤه‌رێ گه‌له‌ك یا ئالوزه دێ گه‌له‌ك مه‌ترسی ل سه‌ر ره‌وشا ئافره‌تان ب گشتی و كچێن ساڤا ب تایبه‌تی دروست بیت و دێ بنه كالا ده‌ستێ بابێن زالم دا دێ ب كه‌یفا خوه ده‌ن شو .
پێدڤیه جهێن شوله‌ژی و رێكخراوێن مافی مرۆڤان و ئافره‌تان ل سه‌ر تاسه‌رێ عیراقێ ڤێ بریارا جڤاتا نونه‌رێن عیراقێ شه‌رمه‌زار بكه‌ن و رێكێ نه‌ده‌ن بهێته په‌سه‌ند كرن و بۆ وێ چه‌ندێ ئه‌ڤ بریاره نه‌بیته ڤایرۆسێ ژناڤ برنا كچان ل ناڤ جڤاكی ، ئافره‌ت پێكهاته‌یا سه‌ره‌كیا ژیانا جڤاكیه بڤێ بریارا دوور ژبهایێن مرۆڤایه‌تیێ دێ جوانیا جڤاكی تێكچیت ، ئه‌ڤ بریاره یا دووره ژ هه‌ر پره‌نسیپه‌كێ مرۆڤایه‌تی و یاسایی جڤاكی ، پێدڤیه به‌ریا ڤه‌خواندنا دوێ بۆ پرۆژه‌ی یاسایی بهێته كرن بهێته راوه‌ستاندن و ژیان ب هه‌بۆنا ئافره‌تان یا جوانه ژیانێ نه‌شرین نه‌كه‌ن بۆ حه‌زێن دونیایێ.