دلڤین شه‌مال
به‌ریا 78 سالان ل رۆژا 16 ی ئاب 1946 پارتی دیموكراتی كوردستان ب سه‌رۆكایه‌تی و رابه‌رایه‌تیا بارزانی نه‌مر هاته دامه‌زراندن ، د هه‌مان رۆژدا سه‌رۆك و مه‌رجه‌عێ گه‌لێ كوردستان سه‌رۆك مه‌سعود بارزانی ژ دایكبوو ، له‌ورا رۆژا 16 ئاب پیرۆزیه‌كا مه‌زن هه‌یه بۆ هه‌موو كورده‌كێ دلسۆز .
پارتی ده‌لیڤه‌كا زۆر زێرین دا هاته دامه‌زراندن بۆ رزگاركرنا گه‌لێ كورد ژ هه‌موو ئاسته‌نگ و نه‌خۆشیه‌كێ و بێ هیڤیی بوونه‌كێ ، كورد ل قۆناغه‌كا گه‌له‌ك ئالوزو هه‌ستیار دابوون به‌لێ دامه‌زراندنا پارتی هه‌موو ته‌م و مژ هه‌لگرتن و به‌ره‌ڤ ئاسویه‌كێ رون جه‌ماوه‌رێ كوردستانێ پێنگاڤ هاڤێت .
ب درێژاهیا دیرۆكێ پارتی قوربانی داینه پێخه‌مه‌ت ب ده‌ستڤه‌ئینانا مافێن ره‌وایێن گه‌لێ كوردستانێ به‌ره‌ڤانی ژی ل هه‌موو وان ده‌ستكه‌فتا كریه كو ب ده‌ستڤه هاتینه ، ده‌هان شۆرش بۆ ئازادیێ و سه‌ربه‌خۆیا گه‌لێ كوردستانێ به‌رپاكرینه .
پارتی دیموكراتی كوردستان هه‌رده‌م جهێ هیڤی و ئومێدا جه‌ماوه‌رێ كوردستانێ بووه كورد ژ هه‌ر نه‌خۆشیه‌كێ پاراستینه و قوربانی داینه بۆ گه‌لێ كوردستانێ رۆژا 16 ی ئاب هه‌لاتنا رۆژه‌كا نو بوو ب درێژاهیا قۆناغێن بووری گه‌لێ كورد د ئارامیێ و ئازادیێ دا ژیانه ل سایا دامه‌زراندنا پارتی .
پارتی مه‌زنترین شۆرش ئه‌نجامداینه بۆ سه‌ربه‌خۆیا كوردستانێ و ئاڤه‌دانكرنا گوندێن كوردستانێ و ڤه‌ژاندنا كه‌رتێ چاندنێ و نوكه‌ژی هه‌ر ده‌ڤه‌ره‌كا پارتی لێ بیت ئارامی و ئاڤه‌دانی و ل وی جهییه .
پارته‌ك بارزانی نه‌مر دامه‌زراند بیت و سه‌رۆك بارزانی سه‌رۆكێ وێ بێت دێ هه‌ر مه‌زنترین هیڤیا جه‌ماوه‌رێ كوردستانێ بیت و د هه‌موو قۆناغان دا دێ پێشه‌نگ بیت و ژبه‌ركو نوكه پارتی خودانا مه‌زنترین جه‌ماوه‌ره ل سه‌ر ئاستێ كوردستانێ و عیراقێ و به‌رده‌وام ل گه‌ل جه‌ماوه‌رێ خوه بووه.
پارتی ژبه‌ر هه‌لوێستێن نیشتیمانی و نه‌ته‌وه‌یی پرسا ئێكرێزێی و پێكڤه ژیانێ پێشه‌نگ بووه و دێ هه‌ر مینیت پێشه‌نگ ل هه‌ر قۆناغه‌كێ دا بیت .
جه‌ماوه‌رێ كوردستانێ دیده‌ڤانێ خزمه‌ت و به‌رخۆدانا پارتیه و هه‌ر جهه‌كێ پارتیه‌ك لێ هه‌بیت نیشتیمان په‌روه‌ری لێ هه‌یه و ئاڤه‌دانی كوردایه‌تی لێ هه‌یه.