ئاکرێ نیوز
دچارچوڤێ رێکەفتنا وەزارەتا باژێرڤانی و گەشت و گوزارا حکومەتا هەرێما کوردستانێ دگەل کومپانیا MRF کو ب کارێ پاقژکرنا هەرسێ قەزایێن ئاکرێ و بەردەرەش و شێخان رادبیت دڤێت زبلدان بسەر مالێن هەرسێ قەزایان بهێنە دابەشکرن.
ژبالخوڤە یاسر حکمت بەرپرسێ راگەهاندنا کومپانیا MRF یا کو ب کارێ پاقژکرنا هەرسێ قەزایێن ئاکرێ و بەردەرەش و شێخان رادبیت دیارکر کو ل سەنتەرێ ئاکرێ ژبۆ دابەشکرنا زبلدانان رێژا وێ گەهشتییە 95% کو دڤی واریدا مە نزیکی 15 هزر زبلدان بسەر مالێن وەلاتیان دابەشکینە و ئەم بەردەوامین.
بەرپرسێ راگەهاندنا کومپانیا mrf دیارکر ژی کو ئەو زبلدانێن دهێنە دابەشکرن ژبۆ پاشماوەیێ هشکە و دخوازین هەڤوەلاتی دگەلمەهاریکاربن ژبۆ ڤێ پروسێ.
پێشتر بلند رزا زبێر سەرۆکێ باژێرڤانیا ئاکرێ و سەرپەرشتیارێ لێژنا بلندا کارێ کومپانیا جێبەجێکار بۆ ئاکرێ نیوز دیار کربوو کو لگوری رێکەفتنا هاتییەکرن لسنوورێ هەرسێ قەزایێن ئاکرێ و بەردەرەش و شێخان دڤێت کومپانیا mrf یا ب کارێ پاقژکرنێ رادبیت دڤێت 55 هزار زبلدانان بسەر ئاڤاهیێن ئاکنجیبوونێ بەلاڤبکەت ژبۆ پاقژی و پاشماوەیێ هشک .