ئەندامەكێ لژنا غاز و پەتڕۆلێ ل پەڕلەمانێ عیراقێ ڕاگەهاند، هەیڤانە 100 حالەتێن توشبوونێ ب نەخۆشییا پەنجەشێرێ ل پارێزگەها بەسرا دهێنە تۆماركرن.
عەلی مەشکور، ئەندامێ لژنا غاز و پەتڕۆلێ ل پەڕلەمانێ عیراقێ ڕاگەهاند، ل نه‌خۆشخانێن به‌سرا هەیڤانە 100 حالەتێن پەنجەشێرێ دهێنە تۆماركرن، ئەڤە ژی ژ ئەگەرێ وێ گازا ژەهراوی یە یا كو ل دەمێ دەرئینانا پەتڕۆلێ ل وێ پارێزگەهێ بەلاڤ دبیت.
ل دویڤ زانیارییان، بزاڤ دهێتەكرن د ماوەیەكێ نێزیك دا هەمی كۆمپانییێن پەتڕۆلێ ل بەسرا بهێنە نەچاركرن كو شەش نەخۆشخانێن چارەسەركرنا پەنجەشێرێ و ژ كاركەفتنا گۆلچیسكان دروستبكەن، ب وی مەرجی ئەركێ خەرجی و ڕێڤەبرنا ڤان نەخۆشخانان ب ستویێ خۆ ڤە بگرن.
ژمارا ئاكنجییێن بەسرا زێدەتری سێ ملیۆن كەسایە، ڕوژانە نێزیكی چوار ملیۆن بەڕمیلێن پەتڕۆلێ ل ڤێ پارێزگەهێ دهێنە بەرهەمئینان، د نوكەدا پیسبوونا ژینگەها وێ بوویە ئێك ژ مەزنترین مەترسییان ل سەر ئاكنجییێن وێ، ژبەر ڤێ یەكێ دەم بۆ دەمی ژمارا تووشبوویێن پەنجەشێرێ زێدەتر لێ دهێت.