ئاکرێ نیوز
د. جەگەر هەرکی ، ڤەکولەر دبوارێ نەفت و گازێ دا دبێژیت:" بریارێن ئۆپێک پلەس کاریگەریەکا مەزن هەیە لسەر بلندکرنا بها نەفتێ، نها ل ڕۆژهەلاتا ناڤین یا سەقامگیر نییە ب تایبەتی ئەو هێزێن سەر ب وەلاتێ ئیرانێ ڤە کێشە دروستکرینە لهەمبەر بازرگانیکرن و ڤەگوهاستنا وێ .
د.جەگەر هەرکی، شارەزا دبیاڤێ نەفت و گازێ دا دیاردکەت: بهایێ نەفتێ تا رادەیەکی دابەزی یە لێ ب دیتنا من ئارمانج ژێ ئەوە کو بهایێ نەفتێ جارەک دی بلند ببیتەڤە بۆ کوژمێ پتری 85 دولاران ژبەرکو وەکو ئاماژە پێ دهێتەکرن ل بودجەیا خەملاندی یا وەلاتێ سعودیێ کو مەزنترین وەلاتێ بەرهەمئینانا نەفتێ یە دگەلدا ژی بهێزترین وەلاتێ گروپێ ئۆپێک پلەسە کو بهایێ نەفتێ وەها دانایە کو بهایێ ئێک بەرمیلا نەفتێ 86 دولار بیت و گرانتر ئەگەر ئەرزان ببیت دێ کورتهێنان ل داهاتێ وان دروست بیت ئەڤ ئێکە ژی پالدەرەکە کو بهایێ نەفتێ دوی ئاستی دا بمینیت.
هەروەها لدۆر وێ ئێکێ ئایا پشتی ئوپێک پلەس بریاردای بهایێ نەفتێ ب جێگری بمینیت بهایێ نەفتێ ئەرزان بوونەک بخوڤە دیت هەرکێ ئەڤ ئێکە بۆ وێ چەندێ زڤراند نوکە وەکو ئاماژە پێ دهێتەکرن سستیەک ل وارێ بازرگانی و پێشەسازیێ ل وەلاتێ چینێ هەیە ڤێ چەندێ کاریگەریا خۆ یا مەوە کورت هەیە لسەر بهایێ نەفتێ هەموو ئاماژە بۆ وێ ئێکێ نە کو بهایێ نەفتێ بلندببیتەڤە و بریارا ئوپێکێ جهێ خۆ بگریت و هەمی ئاماژە بۆ وێ ئێکێ دچن و ئەو نەسەقامگیریا بازرگانی و ڤەگوهاستنێ هەی پالدەرکە کو بهایێ نەفتێ بلند ببیت ئەگەر بهێت و وەلاتێن ناڤا رێکخراوا ئوپێک پلاس رێکەفتنێ بکەن دیسان ئەو وەلاتێن دەرڤەی ئوپێک پلەس هەولددەن بەرهەمئینان زێدەببیت و ئەگەر ب ئێکگرتی بمینەڤە کومبوونا داهاتی یا ئوپێک پلاس دێ کاریگەریا خۆ یا زێدە هەبیت لدۆر بهایێ نەفتێ.
د.جەگەر هەرکی خۆیا ژیکر کو عیراق د رەوشەکا نەسەقامگیرا سیاسی دایە ڤێ ئێکێ چ کاریگەری هەیە لسەر نەفتا وێ بخۆ و جیهانێ وەکو ئێک ژ وەلاتێن زەنگین ل وارێ بەرهەمئینانا نەفتێ
هەردەمێ کێشەیەک یانکو قەیرانەک ل جیهانێ دروست دبیت کارگەریەکا نەرینی دروست دبیت لسەر وارێ پێشەسازیێ ب ئاوایەکێ گشتی و نەفتێ ب تایبەتی بۆ میناک ئەو گرفت و شەرێ روسیا و ئوکرانیا پالدەرکێ بهێز بوو ژبۆ بلندبوونا بهایێ نەفتێ ئەگەر بهێت و نوکە ژی وەلاتێن دەڤەرێ وەکو ئیرانێ راستەوخۆ بچیتە ناڤ وێ هەڤکێشا ئالوزیان ب دیتنا من دێ بهایێ سوتەمەنیێ و نەفتێ بلندتربیت، ئەگەر بهێت ئەڤ کێشە زێدەبن و دێ بهایێ نەفتێ گرانتربیت ل وی بهایێ نوکە دهێتە دیتن.
لدۆر ئەو کێشەیێن جیهانێ و دەڤەرێ و بریارا ئوپێکێ و کاریگەریا وێ دێ چبیت لسەر نەفتا هەرێما کوردسانێ، د. جەگەر هەرکی دبێژیت :" ئەوا گرنگ لێرە بوریا نەفتا هەرێما کودستانێ یە بۆ بەندەرێ جیهان ئەڤە دێ خالەکا گرنگ بیت نەخاسم ئەگەر گرژی و ئالوزی تەشەنە بکەن ئەڤ ئێک دێ بیتە باشترین دەرگەهـ کو هەرێما کوردستانێ و عیراقێ کو نەفت ب مەزاختنەکا کێم بگەهیتە هەمبەر وەلاتێن ئەوروپا و دنهادا وەلاتێن ئەوروپا پێتڤیەکا زێدەتر بڤێ چەندێ هەیە ژبەرکو وانا کێشە هەیە لگەل ڕوسیا نەشێن ب هێسانێ ئەو نەفتا پێتڤی پێ هەی بدەست بێخێن، هەرێما کوردستانێ کاریگەریەکا مەزن دێ هەبیت ئەگەر ئیران بەردەوامبوو ل ناکوکیان نەخاسم ل بەندەرێ هورمز و کەنارێن عەرەبی وی دەمی عیراق ناچارە ب رێکا بوریا نەفتا هەرێما بۆ بەندەرێ جیهان هناردە بکەت کودێ بیتە باشترین ریک بۆ بازارێ ئەوروپا.