مەسروور بارزانی، سەرۆکێ حکومەتا هەرێما کوردستانێ پەیامەک دەربارەی بریارا دادگەها فیدرالی ل دۆر پرۆژێ هەژماری من بەلاڤکر و دوپاتکر کو تا دویماهیا ئەڤ سالە دێ پتر ژ ملیۆن مووچەخۆران پشکداری پرۆژەیی بن.
د بەیانا سەرۆکێ حکومەتێ دا هاتییە "پێشوازییێ ل رۆنکرنا ئەڤرۆ یا دادگەها فیدرالی دکەم دەربارەی پشکداربوونا بەنکێن حکومی و تایبەت د پرۆسەیا ب بەنکیکرنا مووچەیێن هەرێما کوردستانێ دا، پێدڤییە وەلاتییێن هەرێما کوردستانێ هەمان مافێن پشکێن دی یێن ئیراقێ هەبن د هەلبژارتنا وێ بەنکێ دا یا ئەو دخوازن بۆ وەرگرتنا مووچەیێ خۆ، ب وی مەرجی بەنک ژ ئالییێ بەنکا ناڤەندی یا ئیراقێ ڤە یا رێپێدای و پەسەندکری بیت. رۆنکرنا ئەڤرۆ وی مافێ بنەرەتی دوپات دکەت".
هەروەسا هاتییە "داخوازێ ژ مووچەخۆرێن هەرێما کوردستانێ دکەم ب زویترین دەم خۆ تۆماربکەن".
سەرۆکێ حکومەتێ نڤیسییە "ئەڤ پێشکەفتنا ئەڤرۆ پتر مە پال ددەت داکو پرۆسەیا هەژماری من بلەزتر بکەین و سۆزێن خۆ بجهبینین کو تا دویماهیا ئەڤ سالە، ملیۆن مووچەخۆر ببنە خودان هەژماری من".