نێچیرڤان بارزانى سه‌رۆكێ هه‌رێما كوردستانێ دناڤ وان سه‌رۆك و سه‌ركرده‌یێن جیهانێدایه یێن پشكدار دئاهه‌نگا ده‌ستپێكرنا یارییێن ئۆلمپیادێن پاریسێدا.
پشكدارییا سه‌رۆكێ هه‌رێما كوردستانێ ل سه‌ر داخوازا فه‌رمییا ئیمانوێل ماكرۆن سه‌رۆكێ فره‌نسایێ بوویە.
سه‌رۆكایه‌تییا هه‌رێما كوردستانێ دیاركر، نێچیرڤان بارزانى ل ئێڤارییا ئه‌ڤرۆ دگه‌ل سه‌ركرده‌یێن جیهانێ ل كۆچكا ئه‌لیزییێ یا سه‌رۆكایه‌تییا فره‌نسا پشكدارییێ دڕێوره‌سمێن ده‌ستپێكرنا یارییێن ئۆلمپیاداندا دکەت.
ئاهه‌نگ دێ ل ده‌مژمێر 8:30ى ئه‌ڤ شه‌ڤه ده‌ستپێكه‌ت و هه‌تا نیڤا شه‌ڤێ یا به‌رده‌وامبیت، یارییێن ئۆلمپیادان ژى دێ هه‌تا 16ى ته‌باخێ د به‌رده‌وامبن.