ئه‌ڤرۆ ئێڤارى سه‌رۆك نێچیرڤان بارزانى ل پاریسا پایته‌ختێ فره‌نسایه و دێ ل سه‌ر داخوازا ئیمانوێل ماكرۆن ل گه‌ل 120 سه‌ركرده‌یێن جیهانێ پشكداریێ د رێوره‌سمێن یارییا ئۆلوپیاتێن 2024ێ دا كه‌ت.
سه‌رۆكایه‌تیا هه‌رێما كوردستانی به‌لاڤكریه، ئه‌ڤرۆ ئه‌ینیێ 26-7-2024ێ نێچیرڤان بارزانى، سه‌رۆكێ هه‌رێما كوردستانێ ل سه‌ر داخوازنامه‌یا فه‌رمى یا ئیمانوێل ماكرۆن، سه‌رۆكێ فره‌نسا دێ چیته پاریس.
هه‌روه‌سا دیاركریه، ئێڤارییا ئه‌ڤرۆ ل گه‌ل 120 شاهـ، سه‌رۆكێن وه‌لاتان و سه‌رۆكوه‌زیران دێ ئاماده‌یى ئاهه‌نگا ده‌ستپێكى یا یاریێن ئۆلۆمپیاتێن پاریسێ بیت.
ئه‌ڤرۆ ل ده‌مژمێر 7:30 خۆله‌ك ب ده‌ما هه‌ولێرێ رێره‌سمێن ئاهه‌نگا یاریێن ئۆلۆمپیاتا هاڤینى یا 2024ێ دێ ل پاریسا پایته‌خت هێـنه‌گێڕان و ئاهه‌نگ بۆ ده‌ما 4 ده‌مژمێران دێ به‌رده‌وام بیت.