هێزێن ئاسمانى یێن ئیراقى ب هه‌ڤكارى ل گه‌ل ئاساییشا هه‌رێما كوردستانێ پێگه‌هێن داعشێ ل سه‌لاحه‌دین كرنه ئارمانج، حه‌شارگه‌ها وان ب سه‌ر دا ئینا خوار.
فه‌رمانده‌یا ئۆپه‌راسیۆنێن هه‌ڤپشك یا ئیراقێ راگه‌هاند، هێزێن ئاسمانى یێن ئیراقێ ب هه‌ڤكارى ل گه‌ل رێڤه‌به‌رییا گشتى یا ئۆپه‌راسیۆنێن ئاساییشا هه‌رێما كوردستانێ پێگه‌هێن داعشێ ل پارێزگه‌ها سه‌لاحه‌دین كرنه ئارمانج و حه‌شارگه‌ها وان ب سه‌ر دا ئینایه خوار.
هه‌روه‌سا دیاركر، ئه‌و چه‌كدارێ داعشێ یێ دوهى ل قه‌ره‌هه‌نجیر هاتییه ده‌سه‌سه‌ركرن دانپێدان كریه كو حه‌شاره‌گه‌هه‌كا داعشێ ل چیایێ په‌لگانه ل رۆژهه‌لاتا پارێزگه‌ها سه‌لاحه‌دین هه‌یه و ل سه‌ر وان دانپێدانان فڕۆكه‌یێن ئێف شازده ب هه‌ڤكارى ئاساییشا گشتى یا هه‌رێما كوردستانێ ئه‌و حه‌شارگه‌هه بۆمبه‌بارانكریه.
هه‌روه‌سا ئاشكراكریه، هنده‌ك چه‌كدارێن داعشێ د ناڤا وێ حه‌شارگه‌هێ دا هه‌بوون و ژ ئالیێ هێزێن ئاسمانى یێن ئیراقێ ڤه بوونه ئارمانج و حه‌شارگه‌هـ ب سه‌ر وان دا ئینایه خوار.