پارتى ل سه‌ر ئاستی چار بازنه‌یان 190 به‌ربژار هه‌نه، رێژه‌یا هه‌ره مه‌زن ل پارێزگه‌ها سلێمانییێ یه، ل دهۆكێ ژى 48 به‌ربژار هه‌نه.
ل 20-10-2024ێ ب فه‌رمانا سه‌رۆكایه‌تییا هه‌رێما كوردستانێ مه‌راسووما هه‌رێمى ده‌ركه‌فتییه و بۆ رۆژا هه‌لبژارتنێن په‌ڕله‌مانێ كوردستانێ هاتییه دیاركرن.
به‌ربژارێن پارتى یێن چار بازنه‌یان
هه‌ولیر 64 به‌ربژار
سلێمانى 72 به‌ربژار
دهۆك 48 به‌ربژار
هه‌له‌بجه 6 به‌ربژار
ل گۆڕه‌یى زانیاریان پارتى ل سه‌ر ئاستێ چار بازنه‌یان 190 به‌ربژار هه‌نه، پترییا وان ئێكلا بووینه و ل 18ى ڤێ مه‌هێ دێ بۆ كۆمسیۆنێ هێنه راده‌ستكرن.
جومانه گلایى، په‌یڤدارا كۆمسیۆنا هه‌لبژارتنان راگه‌هاند، ده‌ما پێشكێشكرنا به‌ربژارێن لیست، هه‌ڤپه‌یمانى و پێكهاتان تا ڤێ پێنجشه‌مبێ هاتییه درێژكرن.
هێشتا لیستا دویماهییێ ژ ئالیێ پارتى ڤه نه‌هاتییه دیاركرن و ئه‌گه‌را گوهۆڕینان ل هه‌ر ده‌مه‌كى هه‌یه تا لیسته ب كۆمسیۆنێ نه‌هێته پێشكێشكرن.
پێكهاتان پێنج كورسى هه‌نه
هه‌ولێر - كرستیان و توركمان - 2 كورسى
سلێمانى- كرستیان و توركمان - 2 كورسى
دهۆك – ئه‌رمه‌ن - 1 كورسى
سلیمانییێ ل سه‌ر ئاستێ هه‌رێما كوردستانێ 38 كوڕسى به‌ر دكه‌ڤن، هه‌و‌لێرێ 34 كورسى و پارێزگه‌ها دهۆكێ ژى 25 كورسى، هه‌له‌بجه ژى سێ كورسى ژ ئالیێ كۆمسیۆنێ ڤه بۆ هاتینه دیاركرن.
ژ وان 100 كوڕسییێن په‌رله‌مانێ كوردستانێ ل هه‌ولێر و سلێمانییێ كورسیه‌ك بۆ كۆتایا كرستیانان و ئێك ژى بۆ توركمانان هاتییه دانان، ل پارێزگه‌ها دهۆكێ ژى كوڕسییا كۆتایان بۆ ئه‌رمه‌نان هاتیه دیاركرن.