ئاکرێ نیوز
ل ئاکرێ پرۆژێ چێکرنا قوتابخانا گولان یا 12 رێزی ل تاخێ گولان بەر ب داویێ یە و ل سالا نوی یا خواندنێ 2024 - 2025 خواندن دێ تێدا هێتەکرن.
ژبال خوڤە ئەندازیارێ سەرپەرشت سەلاح بازید بۆ ئاکرێ نیوز دیارکر :" ل سەر بودجا تایبەتا پارێزگەها دهوکێ و لسەر رووبەرێ 4200م۲ ب کوژمێ 1 ملیار 239 ملیون 698 هزار دیناران ئەڤ پرۆژە هاتییە بجهکرن.
ئەندازیارێ سەلاح ئەو چەند ژی گوت کو ئەڤ پرۆژە ل سێ ئاڤاهیان پێک دهێت ژوانا ئاڤاهیێ قوتابخانێ کو ژ دوو قاتان پێک دهێت و ئاڤاهیێ دوویێ ژ هولێن تاقیگەها پێک دهێت و ئاڤاهیێ سیێ ژی دوو قاتە ژ کافتریا و هولێن وەرزشی بخوڤە دگریت دگەل گورەپانەکا وەرزشی یا 600 مەتری.
ئەندازیارێ سەرپەرشت گوت ژی رێژا تەمامبوونا قوتابخانێ گەهشتییە 98 % و ژبۆ سالا نوی یا خواندنێ دێ پروسا خاندنێ لڤێ قوتابخانێ برێڤەچیت، قوتابیێن سەرەتایی و ناوەندی و ئامادەیی ل هەردوو تاخێن گوڵان و 11 ئەیلول دێ لڤێ قوتابخانێ مفاداربن.