جڤاتا وەزیرێن هەرێما کوردستانێ ئەڤرۆ ب سەرپەرشتییا مەسروور بارزانی کۆمبوو و ژمارەکا بابەتان بەحسکرن.
ل گۆرەی راگەهاندنا کۆمبوونێ، د برگەیا ئێکێ دا راپۆرتا سالا دویێ یا بجهئینانا پلانا حکومەتێ بۆ مافێن مرۆڤی 2021 – 2025 ژ ئلاییێ رێکخەرێ راسپاردەییێن نێڤدەولەتی ڤە هاتە پێشکێشکرن، ئەڤ پلانە ل هەیڤا ئیلوونا سالا 2021 ژ ئالیێ جڤاتا وەزیران ڤە هاتیە پەسەندکرن و کەفتە د وارێ بجهئینانێ دا.
د راپۆرتێ دا ب داتا و زانیاری ئاماژە ب رێکارێن وەزارەت و ئالییێن پەیوەندیدار هاتکرن بۆ پارستنا مافێن مرۆڤ و ئازادییا دەربرینێ و ئازدییا راگەهاندنێ و نەهێلانا توندوتیژییێ دژی ژنان و پاراستنا مافێن پێکهاتەیێن جودا.
هەروەسا زانیاریێن پێدڤی دەربارەی کار و گاڤێن حکومەتێ تایبەت ب باشترکرنا رەوشا چاکسازی و گرتیخانەیان و بەرهنگاربوونا ماددەیێن هشبەر و بازرگانیکرن ب مرۆڤان هاتە پێشکێشکرن.
د برگا دویێ دا وەزیرا چاندنێ و ژێدەرێن ئاڤێ راپۆرتەک دەربارەی هەلویستێ حکومەتا فیدرالی تایبەت ب وەرگرتنا گەنمێ جۆتیارێن هەرێمێ و راسپاردە و پێشنیازێن وەزارەتێ پێشکێشکر، جڤاتا وەزیران وەزارەتا چاندن و وەزارەتا بازرگانی راسپاردن کو کارێ پێدڤی ل سەر وان پێشنیازێن د کۆمبوونێ دا هاتینە بەحسکرن، بکەن.
جڤاتا وەزیران دانوستاندن دەربارەی دویماهی پێشهاتێن دۆسەیا دەستپێکرنا هنارتنا پەترۆلا هەرێمێ ژی کو ، سەرۆکێ حکومەتێ و شاندا دانوستانکار بەحس ل کۆمبوون و بازڤ و رێکارێن دەستپێکرنا هنارتنا پەترۆلێ کر، کۆمبوونێن ل گەل حکومەتا فیدرالی دێ د بەردەوام بن بۆ دەستپێکرنا هنارتنێ ب زویترین دەم، هەر بۆ ڤێ مەرەمێ، بریارە ل دەستپێکا حەفتییا بهێت شاندەکا حکومی و کۆمپانییێن بەرهەمئینانا پەترۆلی ل سەر داخوازیا وەزارەتا پەترۆلا ئیراقێ سەرەدانا بەغدا بکەن بۆ دانوستاندنێ و دانانا میکانزمەکا چارەیان بۆ نەهێلانا هەمی ئاستەنگی و بەربەستان ل هەمبەر دەستپێکرنا هنارتنا پەترۆلێ.
د کۆمبوونێ دا حکومەتێ دوپاتکر کو پێدڤییە ب زوترین دەم هنارتنا پەترۆلێ ل گۆرەی دەستووری و ب رێکا کۆمپانیا سۆمۆ دەستپێبکەت کو د بەرژەوەندییا گشتی دابیت.